Бел
Галоўная   /  Падзеі  /  Архіў

Віншаванне з Днём Дзяржаўнага герба і Дзяржаўнага сцяга Рэспублікі Беларусь

10 мая 2020 года
Дарагія суайчыннікі!

Ад усёй душы віншую вас з Днём Дзяржаўнага герба і Дзяржаўнага сцяга Рэспублікі Беларусь.

Беларускі народ прайшоў складаны шматвяковы шлях да незалежнасці, неад'емнай часткай якой з'яўляюцца герб і сцяг. Разам з гімнам гэтыя важнейшыя нацыянальныя сімвалы садзейнічаюць кансалідацыі грамадства, захаванню пераемнасці пакаленняў, натхняюць нас на новыя здзяйсненні на карысць Айчыны.

Упэўнены, што толькі разам мы зможам паспяхова адказваць на ўсе выклікі часу, эфектыўна развіваць эканоміку, умацоўваць і абараняць суверэнітэт і бяспеку Беларусі.

Няхай гэта свята стане для кожнага беларуса ўвасабленнем нашых агульных перамог і дасягненняў, надасць упэўненасці ў заўтрашнім дні.

Добрага здароўя, шчасця, радасці і дабрабыту ўсім вам, дарагія сябры.

Аляксандр Лукашэнка
© 2020, Прэс-служба Прэзідэнта Рэспублікі Беларусь