Бел
Галоўная   /  Падзеі

Віншаванне з Днём чыгуначніка

1 жніўня 2020 года
Прэзідэнт Беларусі Аляксандр Лукашэнка накіраваў віншаванне работнікам і ветэранам Беларускай чыгункі з прафесійным святам - Днём чыгуначніка.

Кіраўнік дзяржавы назваў БЧ важнейшым сектарам народнай гаспадаркі, магутным транспартным комплексам з вялікім тэхнічным і вытворчым патэнцыялам.

"Без зладжанай, напружанай, рэзультатыўнай працы работнікаў стальных магістралей сёння немагчыма ўявіць жыццё краіны. Вы ўносіце велізарны ўклад у развіццё эканомікі, забяспечваючы бесперабойную перавозку пасажыраў і грузаў", - гаворыцца ў віншаванні.

Асаблівыя словы ўдзячнасці Прэзідэнт адрасаваў ветэранам, якія заклалі слаўныя традыцыі і перадаюць свае веды і вопыт моладзі.

"Перакананы, што беларускія чыгуначнікі і ў далейшым будуць служыць прыкладам для работнікаў іншых галін, упэўнена рухаючыся па шляху інавацыйнага развіцця, рэалізуючы маштабныя праекты па паляпшэнні якасці абслугоўвання і павышэнні эфектыўнасці працы", - падкрэсліў Аляксандр Лукашэнка.
© 2020, Прэс-служба Прэзідэнта Рэспублікі Беларусь