Віншаванне старшыні МТРК "Мір" Радзіку Батыршыну

Прэзідэнт Беларусі Аляксандр Лукашэнка павіншаваў старшыню МТРК "Мір" Радзіка Батыршына з пяцідзесяцігоддзем.

"З'яўляючыся таленавітым журналістам і сапраўдным прафесіяналам, вы змаглі ўпісаць нямала яркіх старонак у гісторыю тэлебачання. Сталі дастойным арыенцірам для маладога пакалення журналістаў, праявілі глыбокі патрыятызм, працуючы ў гарачых кропках", - гаворыцца ў віншаванні.

Кіраўнік дзяржавы адзначыў, што асаблівай удзячнасці заслугоўвае ўклад Радзіка Батыршына ў развіццё супрацоўніцтва і ўмацаванне дружбы паміж брацкімі народамі краін СНД.

"Сёння калектыў, які вы ўзначальваеце, аб'ядноўвае прафесіяналаў, якія аператыўна і аб'ектыўна асвятляюць сучасныя сусветныя працэсы. Для нас асабліва важна ваша прынцыповасць у дакладным адлюстраванні фактаў і падзей, якія адбываюцца ў Беларусі", - падкрэсліў Аляксандр Лукашэнка.