Бел
Галоўная   /  Падзеі  /  Архіў

Віншаванне работнікам падатковых органаў

11 ліпеня 2020 года

Прэзідэнт Беларусі Аляксандр Лукашэнка павіншаваў работнікаў падатковых органаў краіны з прафесійным святам.

"За тры дзесяцігоддзі падатковая служба Беларусі сфарміравалася як моцная, сучасная структура з дынамічным развіццём, якая дакладна і эфектыўна вырашае пастаўленыя перад ёю задачы, арыентавана на пастаяннае ўкараненне перадавога вопыту і высокіх тэхналогій, канструктыўны дыялог з добрасумленным плацельшчыкам і павышэнне яго фінансавай дасведчанасці", - гаворыцца ў віншаванні.

Кіраўнік дзяржавы адзначыў, што ад стабільнай працы падатковых органаў залежыць напаўненне бюджэту, магчымасць паўнацэнна выконваць дзяржаўныя праграмы ў сферах адукацыі, аховы здароўя, культуры, забяспечваць абараназдольнасць краіны і сацыяльную абарону насельніцтва.

"Перакананы, кампетэнтнасць і адказнасць супрацоўнікаў ведамства, нацэленасць на далейшае спрашчэнне падатковай сістэмы дапамогуць і ў будучым ствараць усе ўмовы для дынамічнага росту нацыянальнай эканомікі і дабрабыту кожнага жыхара Беларусі", - падкрэсліў Аляксандр Лукашэнка.

© 2020, Прэс-служба Прэзідэнта Рэспублікі Беларусь