Бел
Галоўная   /  Падзеі

Віншаванне Прэзідэнту Ізраіля Рэўвену Рыўліну

9 мая 2019 года
Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Ізраіля Рэўвена Рыўліна з нацыянальным святам - Днём Незалежнасці.

Сімвалічна, што ў 2019 годзе гэты дзень супаў з чарговай гадавінай Перамогі над нацызмам, якая адзначаецца і ў Беларусі, і ў Ізраілі як вялікае свята.

"Упэўнены, што развіццё дружалюбных адносін паміж нашымі краінамі, якія грунтуюцца на трывалых гістарычных, культурных сувязях і прынцыпах узаемаразумення і даверу, будзе і ў далейшым служыць інтарэсам абодвух народаў", - гаворыцца ў віншаванні.

Аляксандр Лукашэнка пажадаў Рэўвену Рыўліну моцнага здароўя і поспехаў у адказнай дзяржаўнай дзейнасці, а грамадзянам Ізраіля - міру і дабрабыту.
© 2019, Прэс-служба Прэзідэнта Рэспублікі Беларусь