Бел
Галоўная   /  Падзеі  /  Архіў

Віншаванне Прэзідэнту Ісламскай Рэспублікі Афганістан Махамаду Ашрафу Гані

19 жніўня 2019 года
Прэзідэнт Беларусі Аляксандр Лукашэнка павіншаваў Прэзідэнта Ісламскай Рэспублікі Афганістан Махамада Ашрафа Гані і афганскі народ са 100-годдзем незалежнасці краіны.

У віншаванні адзначаецца, што ў Беларусі з вялікай павагай ставяцца да намаганняў афганскага кіраўніцтва па ўмацаванні суверэнітэту, абароне нацыянальных інтарэсаў, забеспячэнні сацыяльна-эканамічнага прагрэсу краіны і паступальным павышэнні дабрабыту яе жыхароў.

"Вынікі нашай сустрэчы на пляцоўцы саміту Шанхайскай арганізацыі супрацоўніцтва ў чэрвені 2019 года і дамоўленасці, дасягнутыя ў час першага пасяджэння сумеснага беларуска-афганскага камітэта па гандлёвым і эканамічным супрацоўніцтве, надалі значны дадатковы імпульс узаемадзеянню паміж нашымі дзяржавамі. Спадзяюся на яго паспяховае дынамічнае развіццё на карысць абодвух народаў", - падкрэсліў Кіраўнік дзяржавы.
© 2019, Прэс-служба Прэзідэнта Рэспублікі Беларусь