Бел
Галоўная   /  Падзеі  /  Архіў

Віншаванне Прэзідэнту Ірана Хасану Раўхані

11 лютага 2020 года
Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Ірана Хасана Раўхані з 41-й гадавінай перамогі Ісламскай рэвалюцыі ў Іране і значнымі дасягненнямі дзяржавы за гэты час.

Аляксандр Лукашэнка адзначыў мужнасць і адзінства іранскага народа, гатоўнасць цвёрда адстойваць нацыянальныя інтарэсы. Паводле слоў Прэзідэнта, Беларусь і Іран аб'ядноўвае імкненне забяспечыць неаспрэчнае права самастойна вызначаць сваю будучыню.

«Упэўнены, што далейшае пашырэнне супрацоўніцтва паміж Мінскам і Тэгеранам будзе садзейнічаць пошуку эфектыўных адказаў на сучасныя выклікі», - падкрэсліў Кіраўнік дзяржавы.
© 2020, Прэс-служба Прэзідэнта Рэспублікі Беларусь