Бел
Галоўная   /  Падзеі

Віншаванне народнаму артысту СССР Уладзіміру Навумаву

6 снежня 2017 года
Прэзідэнт Беларусі Аляксандр Лукашэнка павіншаваў з 90-годдзем народнага артыста СССР Уладзіміра Навумава.

"Вы заслужылі славу і ўсенароднае прызнанне як выдатны рэжысёр і цудоўны сцэнарыст. Вашы карціны, якія вызначаюцца добрай акцёрскай ігрой, глыбокім сэнсам і жыццёвай філасофіяй, увайшлі ў залаты фонд савецкага і расійскага кінематографа", - гаворыцца ў віншаванні.

Аляксандр Лукашэнка адзначыў, што ў Беларусі высока цэняць і паважаюць творчасць Уладзіміра Навумава, любяць незабыўныя вобразы створаных ім герояў. "Упэўнены, што Вы і ў далейшым будзеце ўносіць значны ўклад у пашырэнне культурнага дыялогу паміж народамі Беларусі і Расіі", - падкрэсліў Кіраўнік дзяржавы.
© 2017, Прэс-служба Прэзідэнта Рэспублікі Беларусь