Бел
Галоўная   /  Падзеі  /  Архіў

Віншаванне народнаму артысту Беларусі Андрэю Мдзівані

1 кастрычніка 2017 года
Прэзідэнт Беларусі Аляксандр Лукашэнка павіншаваў з 80-годдзем народнага артыста Беларусі Андрэя Мдзівані.

"За гады актыўнай творчай дзейнасці Вы ўнеслі важкі ўклад у фарміраванне і развіццё нацыянальнай кампазітарскай і выканальніцкай школы", - гаворыцца ў віншаванні.
 
Кіраўнік дзяржавы адзначыў, што працы кампазітара вылучаюцца асаблівай глыбінёй і шчырасцю, уражваюць, захапляюць гледачоў і назаўсёды застаюцца ў іх сэрцах. "Многія з Вашых выхаванцаў сталі выдатнымі музыкантамі і сёння з гордасцю называюць Вас сваім настаўнікам, дастойна прадстаўляюць Беларусь за мяжой", - падкрэсліў Прэзідэнт.

Аляксандр Лукашэнка ўпэўнены, што талент і бязмежная адданасць Андрэя Мдзівані мастацтву і ў далейшым будуць спрыяць росквіту беларускай культуры.
© 2017, Прэс-служба Прэзідэнта Рэспублікі Беларусь