Бел
Галоўная   /  Падзеі  /  Архіў

Віншаванне народнай артыстцы СССР Таццяне Даронінай

12 верасня 2018 года
Прэзідэнт Беларусі Аляксандр Лукашэнка павіншаваў з днём нараджэння народную артыстку СССР Таццяну Дароніну.

"Вам нязменна спадарожнічае поспех як незвычайна яркай актрысе, адоранаму рэжысёру і бліскучаму кіраўніку праслаўленага Маскоўскага Мастацкага акадэмічнага тэатра імя Горкага", - гаворыцца ў віншаванні.

"Прысвяціўшы сябе мастацтву, Вы стварылі ў тэатры і кіно галерэю незабыўных вобразаў, дзякуючы якім Вас ведаюць і шчыра любяць гледачы розных пакаленняў. Вашы майстэрства і талент шануюцца адданымі паклоннікамі ў Беларусі, што, безумоўна, садзейнічае ўмацаванню культурных сувязей паміж нашымі краінамі", - адзначыў Кіраўнік дзяржавы.

Аляксандр Лукашэнка пажадаў Таццяне Даронінай добрага здароўя, дабрабыту, невычэрпнага натхнення і ажыццяўлення новых творчых задум.
© 2018, Прэс-служба Прэзідэнта Рэспублікі Беларусь