Бел
Галоўная   /  Падзеі  /  Архіў

Віншаванне Мітрапаліту Філарэту з днём нараджэння

21 сакавіка 2018 года
Прэзідэнт Беларусі Аляксандр Лукашэнка павіншаваў Мітрапаліта Філарэта, Пачэснага Патрыяршага Экзарха ўсяе Беларусі з днём нараджэння.

"Сваім служэннем Вы ўнеслі вялікі ўклад у развіццё Беларускай праваслаўнай царквы. Ваш агульнапрызнаны аўтарытэт заўсёды дапамагаў у вырашэнні важных дзяржаўна-царкоўных пытанняў", - гаворыцца ў віншаванні.

Кіраўнік дзяржавы адзначыў, што Мітрапаліт Філарэт па праву з'яўляецца самым пачэсным іерархам у Беларусі, яго вопыт архіпастыра і настаўніка запатрабаваны ў сучасных умовах і дапамагае ўмацаванню духоўнага адзінства беларускага грамадства.
© 2018, Прэс-служба Прэзідэнта Рэспублікі Беларусь