Бел
Галоўная   /  Падзеі

Віншаванне Генеральнаму сакратару ААН Антоніу Гутэрышу

30 красавіка 2020 года
Прэзідэнт Беларусі Аляксандр Лукашэнка павіншаваў з днём нараджэння Генеральнага сакратара Арганізацыі Аб'яднаных Нацый Антоніу Гутэрыша.

"Вашы аўтарытэт і палітычны вопыт, глыбокае веданне аспектаў гуманітарнага развіцця, адказны падыход і прафесійнае стаўленне да вырашэння самых вострых і адчувальных пытанняў міжнароднага парадку дня садзейнічаюць умацаванню Арганізацыі Аб'яднаных Нацый", - гаворыцца ў віншаванні.

Кіраўнік дзяржавы выказаў удзячнасць Антоніу Гутэрышу за нястомныя намаганні па пошуку рашэнняў і стварэнні ўмоў для аб'яднання нацый дзеля бяспечнай будучыні. Прэзідэнт пацвердзіў, што Беларусь з'яўляецца актыўным удзельнікам ААН і будзе і ў далейшым паслядоўна падтрымліваць прапанаваны кіраўніцтвам арганізацыі курс на забеспячэнне большай адкрытасці і празрыстасці ў яе дзейнасці, пашырэнне шматбаковых сувязей і кансалідацыю сусветнай супольнасці ў мэтах устойлівага развіцця і пераадолення сучасных выклікаў.
© 2020, Прэс-служба Прэзідэнта Рэспублікі Беларусь