Бел
Галоўная   /  Падзеі

Віншаванне Федэральнаму прэзідэнту Швейцарскай Канфедэрацыі Сіманеце Самаруга

1 жніўня 2020 года
Прэзідэнт Беларусі Аляксандр Лукашэнка павіншаваў Федэральнага прэзідэнта Швейцарскай Канфедэрацыі Сіманету Самаруга з нацыянальным святам - Днём заснавання Канфедэрацыі.

Кіраўнік дзяржавы падкрэсліў, што апошнім часам адносіны паміж краінамі прыкметна актывізаваліся і набылі новую якасць. "Мы павысілі ўзровень дыпламатычнага прадстаўніцтва, паслядоўна пашыраем міжпарламенцкае ўзаемадзеянне. Умацоўваецца супрацоўніцтва профільных міністэрстваў і арганізацый, - гаворыцца ў віншаванні. - Варта адзначыць устойлівы рост зацікаўленасці швейцарскага бізнесу да рэалізацыі сумесных праектаў у Беларусі з акцэнтам на машынабудаванне, фармацэўтыку і паслугі ў галіне інавацыйных тэхналогій".

Прэзідэнт выказаў упэўненасць, што падтрымка гэтых пазітыўных працэсаў, у тым ліку ўстанаўленне кантактаў на вышэйшым узроўні, у поўнай меры адпавядае нацыянальным інтарэсам.

Аляксандр Лукашэнка пажадаў Сіманеце Самаруга добрага здароўя і паспяховай палітычнай дзейнасці, а жыхарам Швейцарыі - міру, згоды і хуткага пераадолення часовых цяжкасцей.
© 2020, Прэс-служба Прэзідэнта Рэспублікі Беларусь