Бел
Галоўная   /  Падзеі

Віншаванне Федэральнаму Прэзідэнту Аўстрыйскай Рэспублікі Аляксандру Ван дэр Белену

26 кастрычніка 2017 года
Прэзідэнт Беларусі Аляксандр Лукашэнка павіншаваў Федэральнага Прэзідэнта Аўстрыйскай Рэспублікі Аляксандра Ван дэр Белена з нацыянальным святам.

"Беларусь надае вялікае значэнне развіццю дыялогу з Аўстрыяй ва ўсіх сферах. Мы плённа супрацоўнічаем як у двухбаковым фармаце, так і па пытаннях міжнароднага і рэгіянальнага характару", - гаворыцца ў віншаванні.

Прэзідэнт выказаў упэўненасць, што беларуска-аўстрыйскія дружалюбныя і партнёрскія адносіны будуць і далей паспяхова пашырацца на карысць грамадзян дзвюх краін.

Аляксандр Лукашэнка пажадаў Аляксандру Ван дэр Белену моцнага здароўя, плённай дзяржаўнай дзейнасці, а народу Аўстрыі - шчасця і дабрабыту.
© 2017, Прэс-служба Прэзідэнта Рэспублікі Беларусь