Бел
Галоўная   /  Падзеі

Віншаванне члену нацыянальнай каманды па лёгкай атлетыцы Эльвіры Герман

10 жніўня 2018 года

Прэзідэнт Беларусі, Прэзідэнт Нацыянальнага алімпійскага камітэта Аляксандр Лукашэнка павіншаваў члена нацыянальнай каманды па лёгкай атлетыцы Эльвіру Герман з заваяваннем залатога медаля на чэмпіянаце Еўропы 2018 года ў Берліне.

"Гэта выдатная перамога ў саперніцтве з атлетамі сусветнага ўзроўню прынесла шмат станоўчых эмоцый беларускім балельшчыкам", - гаворыцца ў віншаванні.

Кіраўнік дзяржавы перакананы, што дзякуючы працавітасці, мэтанакіраванасці, цудоўнай тэхнічнай падрыхтоўцы Эльвіра Герман прадоўжыць паспяховае станаўленне ў дарослым спорце, пакараючы вышэйшыя прыступкі п'едэсталаў буйнейшых спаборніцтваў.

Аляксандр Лукашэнка пажадаў усёй беларускай камандзе моцнага здароўя і новых перамог.

© 2018, Прэс-служба Прэзідэнта Рэспублікі Беларусь