Бел
Галоўная   /  Падзеі

Віншаванне члену нацыянальнай каманды па біятлоне Мікіту Лабаставу

24 жніўня 2019 года
Прэзідэнт Беларусі Аляксандр Лукашэнка павіншаваў члена нацыянальнай каманды па біятлоне Мікіту Лабастава з заваяваннем залатога медаля ў суперспрынце чэмпіянату свету па летнім біятлоне.

"У захапляючай барацьбе з моцнымі сапернікамі ты праявіў сапраўдныя чэмпіёнскія якасці і па праву заняў вышэйшую прыступку п'едэстала гонару. Упэўнены, што гэта першая ўзнагарода нашых спартсменаў на дамашнім сусветным першынстве ў "Раўбічах" прыцягне на трыбуны яшчэ больш балельшчыкаў і надасць упэўненасці беларускім біятланістам", - гаворыцца ў віншаванні.

Прэзідэнт пажадаў спартсмену і ўсёй камандзе новых яскравых перамог.
© 2019, Прэс-служба Прэзідэнта Рэспублікі Беларусь