Віншаванне Арыне Сабаленка з перамогай на турніры ва Ухані
Прэзідэнт Беларусі, Прэзідэнт Нацыянальнага алімпійскага камітэта Аляксандр Лукашэнка павіншаваў члена нацыянальнай каманды па тэнісе Арыну Сабаленка з бліскучай перамогай на турніры ва Ухані.
"Сваёй яркай гульнёй ты пакараеш сэрцы мільёнаў паклоннікаў тэніса па ўсім свеце, праслаўляеш родную краіну і дастаўляеш радасць беларускім аматарам спорту", - гаворыцца ў віншаванні.
Кіраўнік дзяржавы звярнуў увагу, што перад напорам спартсменкі, яе майстэрствам і верай у свае сілы пасуюць лепшыя тэнісісткі свету. "Упэўнены, што заваяванне першага тытула на турніры катэгорыі "Прэм'ер 5" Жаночай тэніснай асацыяцыі - пачатак вялікага шляху да гучных перамог і вышэйшых ступеней сусветнага рэйтынгу", - падкрэсліў Аляксандр Лукашэнка.
Прэзідэнт пажадаў Арыне Сабаленка і яе камандзе моцнага здароўя і паспяховага завяршэння сезона.