Бел
Галоўная   /  Падзеі  /  Архіў

Тэлефонная размова з Прэзідэнтам Таджыкістана Эмамалі Рахмонам

5 кастрычніка 2019 года
Адбылася тэлефонная размова Прэзідэнта Беларусі Аляксандра Лукашэнкі з Прэзідэнтам Таджыкістана Эмамалі Рахмонам.

Кіраўнікі дзяржаў адзначылі паспяховае развіццё супрацоўніцтва дзвюх краін, у аснове якога не толькі ўзаемавыгадныя праекты ў розных сферах, але і асабістая дружба лідараў краін. Аляксандр Лукашэнка асабліва падкрэсліў дадатковы імпульс адносінам, які быў нададзены ў выніку афіцыйнага візіту Эмамалі Рахмона ў Беларусь летам гэтага года. Дзякуючы яго асабістай увазе паспяхова рэалізуюцца сумесныя пачынанні як на тэрыторыі Таджыкістана, так і Беларусі.

Аляксандр Лукашэнка таксама цёпла павіншаваў Эмамалі Рахмона з днём нараджэння.
© 2019, Прэс-служба Прэзідэнта Рэспублікі Беларусь