Бел
Галоўная   /  Падзеі

Тэлефонная размова з Прэм'ер-міністрам Арменіі Ніколам Пашынянам

31 сакавіка 2020 года
Тэлефонная размова Прэзідэнта Беларусі і Прэм'ер-міністра Арменіі адбылася 31 сакавіка па ініцыятыве армянскага боку.

Аляксандр Лукашэнка і Нікол Пашынян абмеркавалі пытанні функцыянавання эканомікі ў цяперашніх няпростых умовах, адзначыўшы існуючыя сур'ёзныя праблемы і складанасці.

Бакі абмяняліся меркаваннямі адносна цэн на вуглевадароды, якія і Беларусь, і Арменія імпартуюць з Расіі. Аляксандр Лукашэнка і Нікол Пашынян канстатавалі завышаны ўзровень цэн на прыродны газ, адзначыўшы, што ён, відавочна, не адпавядае сусветнаму ўзроўню і існуючай сітуацыі ў цэлым.

Асобнай тэмай размовы стала функцыянаванне сістэм аховы здароўя і процідзеянне распаўсюджванню сезонных вострых вірусных інфекцый.

Таксама ў сувязі з існуючым станам спраў Прэзідэнт Беларусі і Прэм'ер-міністр Арменіі абмеркавалі магчымасць сустрэчы кіраўнікоў дзяржаў ЕАЭС для абмеркавання ўзнікшых эканамічных выклікаў. З ініцыятывай аб правядзенні такой сустрэчы выступіў Аляксандр Лукашэнка як лідар краіны, якая старшынствуе ў Еўразійскім эканамічным саюзе. Беларускі лідар падкрэсліў наяўнасць неадкладных пытанняў, якія патрабуюць дэталёвага абмеркавання на вышэйшым узроўні.

У развіццё размовы беларускі лідар даў даручэнне Старшыні Калегіі ЕЭК Міхаілу Мясніковічу прапрацаваць гэта пытанне з кожным з бакоў і давесці да іх пазіцыі, якія абмяркоўваліся. У выпадку згоды кіраўнікоў дзяржаў Беларусь прапануе правесці сустрэчу ў выключна вузкім складзе, гарантаваўшы поўную бяспеку кожнаму з членаў дэлегацый. Альтэрнатыўным варыянтам правядзення такога абмеркавання, на думку беларускага боку, можа стаць відэаканферэнцыя з удзелам лідараў Еўразійскага эканамічнага саюза.
© 2020, Прэс-служба Прэзідэнта Рэспублікі Беларусь