Бел
Галоўная   /  Падзеі  /  Архіў

Сустрэча з Прэзідэнтам Расіі Уладзімірам Пуціным у Сочы

22 жніўня 2018 года
Аляксандр Лукашэнка на перагаворах з Уладзімірам Пуціным у Сочы, 22 жніўня 2018 г.
Сустрэча з Прэзідэнтам Расіі Уладзімірам Пуціным у Сочы
глядзіце таксама: відэа
22 жніўня 2018 года
Сустрэча з Прэзідэнтам Расіі Уладзімірам Пуціным у Сочы

Сустрэча Прэзідэнта Беларусі Аляксандра Лукашэнкі з Прэзідэнтам Расіі Уладзімірам Пуціным адбылася 22 жніўня ў Сочы.

"Нам сапраўды ёсць аб чым пагаварыць. Але я не сказаў бы, што ў нас накопліваюцца праблемы. У нас праблемы ёсць, якія вырашаюцца хутка або доўга не вырашаюцца. Але новыя праблемы, на шчасце, не з'яўляюцца, як я прааналізаваў, за апошні час. Тым не менш гэтыя праблемы без нас ніхто не вырашыць. І некаторыя праблемы і не нашы даводзіцца вырашаць, як у нас часта з вамі бывае. Таму сапраўды ёсць аб чым пагаварыць. І я буду рады, калі вы папоўніце мае веды ў плане міжнародных адносін, вашых сустрэч, вашых уражанняў і сумесных дзеянняў на міжнароднай арэне", - сказаў беларускі лідар.

Аляксандр Лукашэнка падзякаваў Уладзіміру Пуціну за запрашэнне "прыехаць, крыху абстрагавацца ад жыццёвых прэзідэнцкіх праблем". "Я штогод бываю тут. Тут кавалачак зямлі Беларусі. І я пры любым зручным выпадку стараюся сюды прыехаць для таго, каб на 3-4 дні адысці ад тых праблем, якія заўсёды накопліваюцца. Яны аднолькавыя ўсюды. І ў вас іх хапае, толькі ў большых аб'ёмах", - адзначыў Кіраўнік беларускай дзяржавы.

Уладзімір Пуцін адзначыў, што рады сустрэцца з Прэзідэнтам Беларусі і сам-насам абмеркаваць пытанні, якія датычацца развіцця двухбаковага супрацоўніцтва і ўзаемадзеяння ў розных інтэграцыйных фарматах, праблематыку міжнароднага парадку дня.

"Мы з вамі сустракаемся рэгулярна, але тым не менш кожная з гэтых сустрэч мае значэнне і вельмі важная для нас", - падкрэсліў ён.

© 2018, Прэс-служба Прэзідэнта Рэспублікі Беларусь