Бел
Галоўная   /  Падзеі

Сустрэча з паслом Казахстана Ермухаметам Ертысбаевым

28 жніўня 2019 года
Сустрэча з паслом Казахстана Ермухаметам Ертысбаевым
глядзіце таксама: відэа
28 жніўня 2019 года
Сустрэча з паслом Казахстана Ермухаметам Ертысбаевым

Прэзідэнт Беларусі Аляксандр Лукашэнка бачыць вялікія магчымасці і перспектывы для далейшага развіцця двухбаковага супрацоўніцтва з Казахстанам. Аб гэтым Кіраўнік дзяржавы заявіў 28 жніўня на сустрэчы з паслом Казахстана Ермухаметам Ертысбаевым, які завяршае сваю дыпламатычную місію ў Беларусі.

"Перспектывы і магчымасці ў нас яшчэ больш важкія, чым тыя вынікі, якіх мы дасягнулі. Вы як пасол самі цудоўна разумееце, што з такой развітой інтэграцыяй, якая ў нас з вамі існуе, мы не павінны разважаць пра мільярд тавараабароту. Гэта павінны быць мільярды долараў тавараабароту. І мы гэта можам зрабіць", - сказаў Прэзідэнт.

Аляксандр Лукашэнка адзначыў высокі ўзровень адносін паміж Беларуссю і Казахстанам. "Справа, якой вы займаліся апошнія гады, будучы паслом вельмі дружалюбнай краіны, мае вельмі добрыя вынікі. У нас вельмі добрыя адносіны з Казахстанам. Яны могуць параўнацца толькі з адносінамі Беларусі з Расіяй. Гэта дзве краіны, якія разам з Беларуссю заўсёды былі ініцыятарамі самых добрых адносін паміж народамі, асабліва пасля распаду Савецкага Саюза. Мы заўсёды ініцыіравалі інтэграцыйныя працэсы", - падкрэсліў беларускі лідар.

Прэзідэнт звярнуў увагу і на вельмі блізкія адносіны дзвюх краін у эканоміцы. "Эканоміка - фундамент усіх адносін. Няма эканомікі - няма ніякай ні дыпламатыі, ні палітыкі. Ёсць гандлёва-эканамічныя адносіны паміж дзяржавамі, значыць, выбудуецца і надбудова ў выглядзе палітычных кантактаў. У гэтых адносінах нам няма ў чым папракнуць Казахстан, як Казахстану папракнуць Беларусь таксама няма ў чым", - сказаў ён.

Думаю, што мне ў бліжэйшы час прадставіцца магчымасць пабываць у Казахстане, і мы абмяркуем увесь комплекс нашых адносін. Мы ў свой час з цяперашнім Прэзідэнтам, спадаром Такаевым, дамовіліся, што спяшацца не будзем: сур'ёзна паглядзім, прарэвізуем нашы адносіны, выпрацуем план дзеянняў на будучыню (або, як модна цяпер гаварыць, дарожную карту нашых адносін на будучыя гады). У Нур-Султане мы зацвердзім гэту дарожную карту. Але сур'ёзна падрыхтуемся. Для гэтага ў бліжэйшы час збяром міжурадавую камісію, паглядзім на праблемныя пытанні, якія ёсць, і выпрацуем далейшыя нашы адносіны", - заявіў Кіраўнік дзяржавы.

Аляксандр Лукашэнка выказаў упэўненасць у тым, што выбары, якія нядаўна прайшлі ў Казахстане, і ў цэлым складаны палітычны перыяд пойдуць на карысць казахскаму народу. Кіраўнік дзяржавы падкрэсліў, што вельмі добра быў знаёмы з цяперашнім Прэзідэнтам Казахстана Касым-Жамартам Такаевым. "Вельмі прыстойны, адукаваны і мною вельмі паважаемы чалавек. У нас з ім атрымаюцца добрыя адносіны, таксама як і ў Казахстана з Беларуссю будуць прадоўжаны ў гэтым жа рэчышчы адносіны", - сказаў Прэзідэнт.

Ён папрасіў пасла, калі той будзе ў сталіцы Казахстана, перадаць самыя добрыя пажаданні і віншаванні Прэзідэнту Казахстана з паспяхова пройдзеным перыядам. "А таксама майму даўняму сябру, з якім мы не адзін пуд солі з'елі, - Нурсултану Абішавічу (Назарбаеву). Пажадайце яму ад майго імя самага добрага здароўя", - дадаў беларускі лідар.

Што датычыцца Ермухамета Ертысбаева, Прэзідэнт упэўнены, што ён назаўсёды застанецца сябрам Беларусі, і яму было камфортна жыць і працаваць у краіне. "Усё ж такі гэта ваша Беларусь, ваша краіна, якую вы ведаеце даўно - з савецкіх часоў. Ведайце, што ў Беларусі вы заўсёды свой чалавек, паколькі вы нямала тут пражылі і прапрацавалі", - адзначыў Кіраўнік дзяржавы.

Аляксандр Лукашэнка звярнуў увагу і на той факт, што яго з паслом многае збліжае ў асабістых адносінах: "Рыхтуючыся да гэтай сустрэчы, даведаўся, што мы з вамі па першай адукацыі, па прафесіі - гісторыкі".
Тэгі: Сустрэчы
© 2019, Прэс-служба Прэзідэнта Рэспублікі Беларусь