Сустрэча са спікерам Савета рэгіянальных прадстаўнікоў Народнай кансультатыўнай асамблеі Рэспублікі Інданезія Ірманам Гусманам
- 1
Беларусь і Інданезія дагаварыліся актывізаваць супрацоўніцтва па ўсіх напрамках. Такі адзін з асноўных вынікаў праведзенай 25 мая сустрэчы Прэзідэнта Рэспублікі Беларусь Аляксандра Лукашэнкі са спікерам Савета рэгіянальных прадстаўнікоў Народнай кансультатыўнай асамблеі Рэспублікі Інданезія Ірманам Гусманам.
Кіраўнік беларускай дзяржавы падкрэсліў, што Беларусь і Інданезія з'яўляюцца добрымі даўнімі партнёрамі і ў супрацоўніцтве няма закрытых тэм. Дыпламатычныя адносіны паміж нашымі краінамі ўстаноўлены ў 1993 годзе. У 2011 годзе Беларусь адкрыла пасольства ў Інданезіі. "Цяпер мы чакаем кроку ў адказ з інданезійскага боку", - падкрэсліў Прэзідэнт.
На думку Аляксандра Лукашэнкі, фундаментам адносін паміж любымі дзяржавамі з'яўляецца менавіта эканоміка. У мінулым годзе беларуска-інданезійскі тавараабарот склаў каля $215 млн. Кіраўнік дзяржавы падкрэсліў, што хоць гэта нязначная лічба, ёсць вялікі патэнцыял для гандлёва-эканамічнага супрацоўніцтва. Цяпер намеціліся добрыя тэндэнцыі - напрыклад, рост тавараабароту складае 70 %.
Аляксандр Лукашэнка нагадаў, што ў час яго візіту ў Інданезію ў 2013 годзе была дасягнута дамоўленасць аб пераходзе ад простага гандлю да кааперацыйных сувязей паміж краінамі. "Нашы машынабудаўнічыя кампаніі гатовы прыйсці на рынак Інданезіі, ствараць сумесныя прадпрыемствы", - сказаў Прэзідэнт. Паводле яго слоў, стварэнне сумесных прадпрыемстваў было б сур'ёзным крокам у беларуска-інданезійскіх кантактах.
Кіраўнік дзяржавы бачыць вялікія перспектывы ў міжрэгіянальным супрацоўніцтве з Інданезіяй. "Сур'ёзным крокам у беларуска-інданезійскім узаемадзеянні з'явілася б міжрэгіянальнае супрацоўніцтва, якое заўсёды дае добры вынік, - заўважыў Прэзідэнт. - Мы гэта ведаем на прыкладзе кантактаў з іншымі дзяржавамі".
Аляксандр Лукашэнка звярнуў увагу на маючае адбыцца ў пачатку лета чарговае пасяджэнне беларуска-інданезійскай сумеснай камісіі па гандлёвым, эканамічным, навуковым і тэхнічным супрацоўніцтве. "Тэмы, якія напрацаваны намі за апошнія гады, а таксама дамоўленасці ў ходзе цяперашняга парламенцкага візіту інданезійскай дэлегацыі павінны знайсці сваё адлюстраванне ў рабоце камісіі", - упэўнены Кіраўнік дзяржавы.
Прэзідэнт запэўніў інданезійскі бок у сур'ёзнасці намераў развіваць адносіны з Інданезіяй. "Вы маеце ў цэнтры Еўропы надзейнага партнёра, - сказаў Аляксандр Лукашэнка. - Глыбіня і шырыня нашых адносін будуць залежаць выключна ад добрай волі вашага кіраўніцтва".
У сваю чаргу Ірман Гусман згадзіўся з неабходнасцю вывесці двухбаковы тавараабарот на новы ўзровень. З улікам таго, што цяпер у Інданезіі вядзецца маштабная мадэрнізацыя галін народнай гаспадаркі, у тым ліку сельскай, там могуць быць задзейнічаны беларуская тэхніка і тэхналогіі.
"Я перакананы, што цяперашні тавараабарот паміж нашымі дзяржавамі ў аб'ёме $215 млн з'яўляецца недастатковым. І я таксама згодны з вашым выказваннем аб тым, што гэты паказчык мы павінны сумеснымі намаганнямі значна павялічыць, - сказаў інданезійскі госць. - Спадзяюся, што да 25-годдзя беларуска-інданезійскіх дыпламатычных сувязей у 2018 годзе мы зможам дасягнуць тавараабароту $1 млрд".
Пры гэтым спікер інданезійскага парламента лічыць, што для дасягнення пастаўленай мэты павінна весціся комплексная работа з абодвух бакоў на ўсіх узроўнях - дыпламатыі, парламентаў, бізнесу. Ірман Гусман таксама выказаў меркаванне, што рэалізацыі пастаўленай мэты пасадзейнічае геаграфічнае размяшчэнне дзвюх дзяржаў - Беларусь размешчана ў цэнтры Еўропы, а Інданезія з'яўляецца важнай дзяржавай у Паўднёва-Усходняй Азіі.
Ірман Гусман запэўніў, што пасольства Інданезіі ў бліжэйшы час будзе адкрыта ў Мінску, і гэта будзе садзенічаць далейшым двухбаковым кантактам. Паводле яго слоў, беларуска-інданезійскія сувязі "не павінны абмяжоўвацца сферай гандлю і інвестыцый, а павінны ахопліваць і навуку, адукацыю, культуру, маладзёжную палітыку, спорт". "Гэта важнае дапаўненне, якое фарміруе нашу агульную будучыню", - сказаў ён.
Спікер інданезійскага парламента таксама закрануў тэму міру і бяспекі. У сувязі з гэтым ён высока цэніць уклад Прэзідэнта Беларусі ў стабілізацыю сітуацыі ў рэгіёне, звязанай з падзеямі ва Украіне. "Дасягнуты мінскія дамоўленасці, да якіх прыцягнута ўвага сусветнага супольніцтва", - сказаў інданезійскі госць. Ён выказаў перакананасць, што дамоўленасці будуць рэалізаваны і ў рэгіёне настане мір.
Кіраўнік беларускай дзяржавы падкрэсліў, што Беларусь і Інданезія з'яўляюцца добрымі даўнімі партнёрамі і ў супрацоўніцтве няма закрытых тэм. Дыпламатычныя адносіны паміж нашымі краінамі ўстаноўлены ў 1993 годзе. У 2011 годзе Беларусь адкрыла пасольства ў Інданезіі. "Цяпер мы чакаем кроку ў адказ з інданезійскага боку", - падкрэсліў Прэзідэнт.
На думку Аляксандра Лукашэнкі, фундаментам адносін паміж любымі дзяржавамі з'яўляецца менавіта эканоміка. У мінулым годзе беларуска-інданезійскі тавараабарот склаў каля $215 млн. Кіраўнік дзяржавы падкрэсліў, што хоць гэта нязначная лічба, ёсць вялікі патэнцыял для гандлёва-эканамічнага супрацоўніцтва. Цяпер намеціліся добрыя тэндэнцыі - напрыклад, рост тавараабароту складае 70 %.
Аляксандр Лукашэнка нагадаў, што ў час яго візіту ў Інданезію ў 2013 годзе была дасягнута дамоўленасць аб пераходзе ад простага гандлю да кааперацыйных сувязей паміж краінамі. "Нашы машынабудаўнічыя кампаніі гатовы прыйсці на рынак Інданезіі, ствараць сумесныя прадпрыемствы", - сказаў Прэзідэнт. Паводле яго слоў, стварэнне сумесных прадпрыемстваў было б сур'ёзным крокам у беларуска-інданезійскіх кантактах.
Кіраўнік дзяржавы бачыць вялікія перспектывы ў міжрэгіянальным супрацоўніцтве з Інданезіяй. "Сур'ёзным крокам у беларуска-інданезійскім узаемадзеянні з'явілася б міжрэгіянальнае супрацоўніцтва, якое заўсёды дае добры вынік, - заўважыў Прэзідэнт. - Мы гэта ведаем на прыкладзе кантактаў з іншымі дзяржавамі".
Аляксандр Лукашэнка звярнуў увагу на маючае адбыцца ў пачатку лета чарговае пасяджэнне беларуска-інданезійскай сумеснай камісіі па гандлёвым, эканамічным, навуковым і тэхнічным супрацоўніцтве. "Тэмы, якія напрацаваны намі за апошнія гады, а таксама дамоўленасці ў ходзе цяперашняга парламенцкага візіту інданезійскай дэлегацыі павінны знайсці сваё адлюстраванне ў рабоце камісіі", - упэўнены Кіраўнік дзяржавы.
Прэзідэнт запэўніў інданезійскі бок у сур'ёзнасці намераў развіваць адносіны з Інданезіяй. "Вы маеце ў цэнтры Еўропы надзейнага партнёра, - сказаў Аляксандр Лукашэнка. - Глыбіня і шырыня нашых адносін будуць залежаць выключна ад добрай волі вашага кіраўніцтва".
У сваю чаргу Ірман Гусман згадзіўся з неабходнасцю вывесці двухбаковы тавараабарот на новы ўзровень. З улікам таго, што цяпер у Інданезіі вядзецца маштабная мадэрнізацыя галін народнай гаспадаркі, у тым ліку сельскай, там могуць быць задзейнічаны беларуская тэхніка і тэхналогіі.
"Я перакананы, што цяперашні тавараабарот паміж нашымі дзяржавамі ў аб'ёме $215 млн з'яўляецца недастатковым. І я таксама згодны з вашым выказваннем аб тым, што гэты паказчык мы павінны сумеснымі намаганнямі значна павялічыць, - сказаў інданезійскі госць. - Спадзяюся, што да 25-годдзя беларуска-інданезійскіх дыпламатычных сувязей у 2018 годзе мы зможам дасягнуць тавараабароту $1 млрд".
Пры гэтым спікер інданезійскага парламента лічыць, што для дасягнення пастаўленай мэты павінна весціся комплексная работа з абодвух бакоў на ўсіх узроўнях - дыпламатыі, парламентаў, бізнесу. Ірман Гусман таксама выказаў меркаванне, што рэалізацыі пастаўленай мэты пасадзейнічае геаграфічнае размяшчэнне дзвюх дзяржаў - Беларусь размешчана ў цэнтры Еўропы, а Інданезія з'яўляецца важнай дзяржавай у Паўднёва-Усходняй Азіі.
Ірман Гусман запэўніў, што пасольства Інданезіі ў бліжэйшы час будзе адкрыта ў Мінску, і гэта будзе садзенічаць далейшым двухбаковым кантактам. Паводле яго слоў, беларуска-інданезійскія сувязі "не павінны абмяжоўвацца сферай гандлю і інвестыцый, а павінны ахопліваць і навуку, адукацыю, культуру, маладзёжную палітыку, спорт". "Гэта важнае дапаўненне, якое фарміруе нашу агульную будучыню", - сказаў ён.
Спікер інданезійскага парламента таксама закрануў тэму міру і бяспекі. У сувязі з гэтым ён высока цэніць уклад Прэзідэнта Беларусі ў стабілізацыю сітуацыі ў рэгіёне, звязанай з падзеямі ва Украіне. "Дасягнуты мінскія дамоўленасці, да якіх прыцягнута ўвага сусветнага супольніцтва", - сказаў інданезійскі госць. Ён выказаў перакананасць, што дамоўленасці будуць рэалізаваны і ў рэгіёне настане мір.