Бел
Галоўная   /  Падзеі

Стыпендыі Прэзідэнта на 2020 год назначаны 97 перспектыўным аспірантам

17 студзеня 2020 года
Стыпендыі Прэзідэнта Беларусі на 2020 год назначаны 97 перспектыўным аспірантам. Адпаведнае распараджэнне падпісаў Кіраўнік дзяржавы Аляксандр Лукашэнка.

У ліку стыпендыятаў прадстаўнікі тэхнічных, фізіка-матэматычных, біялагічных, хімічных, медыцынскіх, сельскагаспадарчых, эканамічных і гуманітарных навук.

Усе аспіранты выконваюць дысертацыйныя работы па прыярытэтных напрамках навуковай дзейнасці. Вынікі іх даследаванняў прадстаўлены на рэспубліканскіх і міжнародных сімпозіумах і канферэнцыях, апублікаваны ў навуковых выданнях, знайшлі практычнае прымяненне ў вытворчасці, медыцынскай практыцы, сельскай гаспадарцы, адукацыйным працэсе.

Распараджэнне накіравана на падтрымку творчай актыўнасці таленавітых маладых даследчыкаў, развіццё айчынных навуковых школ і стымуляванне падрыхтоўкі навуковых работнікаў вышэйшай кваліфікацыі.
© 2020, Прэс-служба Прэзідэнта Рэспублікі Беларусь