Бел
Галоўная   /  Падзеі

Спачуванне родным і блізкім пісьменніка Юрыя Бондарава

30 сакавіка 2020 года
Прэзідэнт Беларусі Аляксандр Лукашэнка накіраваў спачуванне родным і блізкім пісьменніка, Героя Сацыялістычнай працы Юрыя Бондарава.

"Мужны і стойкі, загартаваны цяжкім франтавым мінулым, вялікі пісьменнік сучаснасці Юрый Васільевіч пражыў доўгае і насычанае яркімі падзеямі жыццё. Ён быў прыкладам адданасці сваёй справе, чалавекам з актыўнай грамадзянскай пазіцыяй. Яго адыход з жыцця - незаменная страта для сусветнай культуры", - гаворыцца ў спачуванні.

Кіраўнік дзяржавы выказаў упэўненасць, што светлая памяць пра пісьменніка захаваецца ў яго творах і назаўсёды застанецца ў сэрцах людзей.
© 2020, Прэс-служба Прэзідэнта Рэспублікі Беларусь