Бел
Галоўная   /  Падзеі

Спачуванне родным і блізкім Маршала Савецкага Саюза Дзмітрыя Язава

26 лютага 2020 года
Прэзідэнт Беларусі Аляксандр Лукашэнка накіраваў спачуванне родным і блізкім Маршала Савецкага Саюза Дзмітрыя Язава.

Кіраўнік дзяржавы падкрэсліў, што Дзмітрый Язаў - сапраўды гераічная і легендарная асоба, а яго баявы, прафесійны і жыццёвы шлях - яркі ўзор чалавечай годнасці, цвёрдасці волі і стойкасці характару.

"Беззапаветна адданы абавязку і Радзіме, Дзмітрый Цімафеевіч з гонарам вытрымаў суровыя выпрабаванні Вялікай Айчыннай вайны. Як сапраўдны прадстаўнік пакалення пераможцаў усе свае сілы ён аддаваў выхаванню маладых патрыётаў, паважліва ставіўся да вялікага подзвігу савецкага народа", - гаворыцца ў спачуванні.

Аляксандр Лукашэнка адзначыў, што светлая памяць пра Дзмітрыя Язава назаўсёды захаваецца ў сэрцах беларусаў.
© 2020, Прэс-служба Прэзідэнта Рэспублікі Беларусь