Бел
Галоўная   /  Падзеі

Спачуванне Наследнаму прынцу Дзяржавы Кувейт шэйху Навафу аль-Ахмеду аль-Джаберу ас-Сабаху

29 верасня 2020 года
Прэзідэнт Беларусі Аляксандр Лукашэнка накіраваў спачуванне Наследнаму прынцу Дзяржавы Кувейт шэйху Навафу аль-Ахмеду аль-Джаберу ас-Сабаху ў сувязі са смерцю Эміра Дзяржавы Кувейт шэйха Сабаха аль-Ахмеда аль-Джабера аль-Сабаха.

"У Беларусі з вялікім смуткам атрымалі сумнае паведамленне аб смерці Вашага брата - Эміра Дзяржавы Кувейт шэйха Сабаха аль-Ахмеда аль-Джабера аль-Сабаха", - гаворыцца ў спачуванні.

Аляксандр Лукашэнка адзначыў, што шэйх аль-Сабах увайшоў у гісторыю сваёй краіны як мудры і клапатлівы кіраўнік. "Ён назаўсёды застанецца ў нашай памяці міжнародным лідарам, які быў гатовы працягнуць руку гуманітарнай дапамогі іншым народам", - падкрэсліў беларускі лідар.

Кіраўнік дзяржавы выказаў Наследнаму прынцу Дзяржавы Кувейт і ўсім жыхарам гэтай краіны глыбокія спачуванні і словы падтрымкі.
© 2020, Прэс-служба Прэзідэнта Рэспублікі Беларусь