Рабочая паездка ў Мінскую вобласць
- 6
Кіраўнік дзяржавы Аляксандр Лукашэнка абяцае далейшую падтрымку развіццю фермерства ў Беларусі. Аб гэтым ён заявіў 29 ліпеня ў час рабочай паездкі ў Мінскую вобласць.
У Лагойскім раёне Прэзідэнт наведаў фермерскую гаспадарку "Цнянскія экапрадукты", якая дабілася высокіх вытворчых вынікаў і актыўна развіваецца. Кіраўнік дзяржавы ў сувязі з гэтым адзначыў, што ў справе аднаўлення нерэнтабельных або маларэнтабельных сельгаспрадпрыемстваў трэба ў тым ліку арыентавацца на фермераў.
"У
нас трэць або чвэрць гаспадарак, з якімі вы (дзяржаўныя ўласнікі) не
спраўляецеся. Дык трэба шырэй выкарыстоўваць фермераў. Але гэта не павінна быць
бяздумна. У дзяржавы заўсёды павінна быць цвёрдая падушка бяспекі, - заявіў
Прэзідэнт. - У нас ёсць добрыя фермеры, якія сябе зарэкамендавалі. Хочуць -
аддайце лепш ім. І не спяшайцеся аддаваць іншаземцам. А калі аддаяце, то
жалезабетонна пад умовы. Вёска ў нас выходзіць на нармальны ўзровень развіцця.
Не страцьце кіравання ў сельскай гаспадарцы".
Ацэньваючы дасягнутыя ў фермерскай гаспадарцы вынікі, Аляксандр
Лукашэнка падкрэсліў выключную важнасць наяўнасці дасведчанага кіраўніка, які
можа належным чынам арганізаваць рабочы працэс. Прэзідэнт у сувязі з гэтым
патрабуе больш актыўна выкарыстоўваць вопыт такіх людзей для падрыхтоўкі
перспектыўных кіруючых кадраў. "Калі няма кіраўніка - ніколі не будзе
гаспадаркі, - падкрэсліў Кіраўнік дзяржавы. - Дайце мне сотню рэвалюцыянераў, і
мы перавернем Беларусь. Ёсць нармальныя людзі, і ім трэба аддаваць зямлю. Няхай
працуюць".
"Трэба падумаць пра
пэўны холдынг, некалькі гаспадарак. Лічу, адсюль ужо 2-3 чалавекі кіраўнікоў
знойдзецца. Калі гатовы паўтарыць у іншых гаспадарках тое, што ёсць, - скажы", -
сказаў Прэзідэнт, звяртаючыся да кіраўніка фермерскай гаспадаркі Уладзіміра
Адамовіча.
"Не трэба гэтага баяцца.
Ён можа ўзяць тры-чатыры, можа, пяць гаспадарак. Нават у розных абласцях. Калі ў
яго ёсць жаданне і грошы. Галоўнае, каб былі такія кіраўнікі, якія ведаюць і
мінулае, і сучаснае", - упэўнены беларускі лідар.
Асаблівы акцэнт Кіраўнік дзяржавы зрабіў на неабходнасці
падтрымкі мясцовага насельніцтва з боку кіраўніцтва сельгаспрадпрыемстваў,
незалежна ад формы ўласнасці. У перспектыве дзяржава будзе падтрыміваць як
прыватнікаў, так і дзяржаўнікаў выключна зыходзячы з гэтага фактару.
Прэзідэнту далажылі аб рэалізацыі
інвестпраекта па пашырэнні сельгасвытворчасці і інвесціраванні ў развіццё ААТ
"Косіна". У 2015 годзе са згоды Кіраўніка дзяржавы акцыі ААТ "Косіна" былі
бязвыплатна перададзены з уласнасці Лагойскага раёна ва ўласнасць СФГ "Цнянскія
экапрадукты", заключаны адпаведны інвестыцыйны дагавор. Усе дамоўленасці
паспяхова выконваюцца, гаспадарка ўстойліва працуе, развіваецца, стварае новыя
рабочыя месцы.
Аляксандр Лукашэнка
таксама азнаёміўся з ходам уборачнай кампаніі, даручыўшы нарасціць яе тэмпы.
"Пара выходзіць на намалот пад 500 тыс. т у дзень. Каб за два - два з палавінай
дні мы мільён малацілі", - сказаў Прэзідэнт.
"Пайшла ўжо масавая ўборка. На сённяшні дзень убрана больш за
30 працэнтаў збожжа. Намалочана 2 млн 330 тыс. т, - далажыў віцэ-прэм'ер Міхаіл
Русы. - За ўчарашні дзень намалацілі прыкладна 340 тыс. т".
У час рабочай паездкі таксама абмяркоўваліся закупачныя
цэны на сельгаспрадукцыю, вытворчасць асобных відаў сельскагаспадарчых культур,
нарыхтоўка кармоў, выкананне даручэнняў Кіраўніка дзяржавы па развіцці
вытворчасцей цукру і шэраг іншых пытанняў у сферы эфектыўнага гаспадарання на
зямлі.
Аляксандр Лукашэнка таксама
запатрабаваў безумоўнай рэалізацыі даручэнняў па набыцці гаспадаркамі
прэс-падборшчыкаў. Прэзідэнту прадэманстравалі ў палявых умовах адпаведную
тэхніку айчыннай вытворчасці, якая мае вельмі шырокі дыяпазон прымянення.
Не абышлося і без шэрага крытычных заўваг.
У прыватнасці, Прэзідэнт указаў на залішнія траты сродкаў на бягучы рамонт
аўтадарог. "Вы цяпер зноў пачалі ўкладваць асфальт на кальцавой дарозе. Мала
таго, што вы пробкі там арганізавалі, людзям не праехаць (вы ж не можаце
працаваць, калі меншы паток транспарту)... Даўно пара паглядзець, куды мы
бюджэтныя грошы ўкладваем, - сказаў Кіраўнік дзяржавы. - Я еду па той трасе. Яна
яшчэ больш-менш нармальная. Можа, калісьці яе і трэба перакласці. Але ў нас жа
ўсё па плане. Запланавана праз сем гадоў яе перакласці, і, якая б яна ні была,
усё роўна яе перакладуць".