Бел
Галоўная   /  Падзеі  /  Архіў

Прывітанне ўдзельнікам 9-й Міжнароднай выстаўкі ўзбраення і ваеннай тэхнікі "MILEX-2019"

15 мая 2019 года
Прэзідэнт Беларусі Аляксандр Лукашэнка накіраваў прывітанне ўдзельнікам і гасцям 9-й Міжнароднай выстаўкі ўзбраення і ваеннай тэхнікі "MILEX-2019".

"На гэтым прадстаўнічым форуме традыцыйна дэманструюцца асноўныя тэндэнцыі фарміравання сусветнага рынку зброі, а таксама найноўшыя дасягненні вядучых беларускіх і замежных вытворцаў прадукцыі ваеннага прызначэння", - гаворыцца ў прывітанні.

Як адзначыў Кіраўнік дзяржавы, фармат мерапрыемства чарговы раз пацвярджае адкрытасць Беларусі, яе зацікаўленасць у развіцці супрацоўніцтва з іншымі дзяржавамі ў сферы забеспячэння бяспекі, а таксама прадастаўляе магчымасць шырокай грамадскасці азнаёміцца з вынікамі работы айчыннага ваенна-прамысловага комплексу, які з'яўляецца адным з прыярытэтных, высокатэхналагічных сектараў нацыянальнай эканомікі.

Аляксандр Лукашэнка выказаў перакананне, што выстаўка будзе садзейнічаць абмену вопытам паміж распрацоўшчыкамі ўзбраенняў, дасць старт іх сумесным праектам і стане пляцоўкай для заключэння ўзаемавыгадных кантрактаў. Ён таксама пажадаў арганізатарам, удзельнікам і гасцям "MILEX-2019" здароўя, поспехаў і плённай працы.
© 2019, Прэс-служба Прэзідэнта Рэспублікі Беларусь