Падпісаны Указ аб акцызах на аўтамабільнае паліва
Прэзідэнт Беларусі Аляксандр Лукашэнка падпісаў Указ № 84 "Аб акцызах на аўтамабільнае паліва".
Дакумент
накіраваны на выключэнне неабгрунтаванага імпарту аўтамабільнага паліва
і павышэнне прывабнасці перапрацоўкі нафты на айчынных прадпрыемствах
па давальніцкай схеме.
Указам
з 1 сакавіка 2020 года ў 4 разы павышаны стаўкі акцызаў на
аўтамабільныя бензіны і дызельнае паліва. Адначасова ў мэтах
недапушчэння росту рознічных цэн устаноўлена, што для пэўных
плацельшчыкаў да ставак акцызаў прымяняецца каэфіцыент 0,25. Да іх ліку
адносяцца беларускія нафтаперапрацоўчыя прадпрыемствы.