Бел
Галоўная   /  Падзеі

Ордэнам Маці ўзнагароджаны больш за 80 шматдзетных жанчын з розных абласцей Беларусі

28 лютага 2017 года
Ордэнам Маці за нараджэнне і выхаванне пяці і больш дзяцей узнагароджаны больш за 80 шматдзетных жанчын з розных абласцей. Адпаведны Указ Прэзідэнт Беларусі Аляксандр Лукашэнка падпісаў 28 лютага.

Сярод узнагароджаных - выкладчык харавога аддзялення Іванаўскай дзіцячай школы мастацтваў імя Напалеона Орды Марына Гаўрута, эканаміст ААТ "Гомельдрэў" Святлана Сівуха, намеснік галоўнага бухгалтара Воранаўскага райвыканкама Рэгіна Сакалоўская.

Ордэна Маці таксама ўдастоены медыцынская сястра Магілёўскай інфекцыйнай бальніцы Маргарыта Каржова і сацыяльны работнік Мядзельскага тэрытарыяльнага цэнтра сацыяльнага абслугоўвання насельніцтва Ірына Хацяновіч.
© 2017, Прэс-служба Прэзідэнта Рэспублікі Беларусь