Бел
Галоўная   /  Падзеі

Ордэнам Маці ўзнагароджаны 39 жыхарак Гродзенскай і Мінскай абласцей

1 лістапада 2018 года

Ордэнам Маці за нараджэнне і выхаванне пяці і больш дзяцей узнагароджаны 39 жыхарак Гродзенскай і Мінскай абласцей. Адпаведны Указ падпісаў Прэзідэнт Беларусі Аляксандр Лукашэнка.

Узнагароды ўдастоены прадстаўніцы розных сфер дзейнасці, у тым ліку работніцы сельскагаспадарчых і прамысловых прадпрыемстваў, устаноў культуры і адукацыі, арганізацый аховы здароўя, гандлю, абслугоўвання насельніцтва, хатнія гаспадыні.

Сярод узнагароджаных прадавец магазіна гандлёва-вытворчай фірмы з Ліды Валянціна Клімава, ветэрынарны ўрач ААТ "Запольскае" Чэрвеньскага раёна Наталля Вахціна, урач Уздзенскай цэнтральнай раённай бальніцы Тамара Лыч, маляр навукова-вытворчай арганізацыі з Мінска Алеся Філістовіч.

© 2018, Прэс-служба Прэзідэнта Рэспублікі Беларусь