Бел
Галоўная   /  Падзеі  /  Архіў

Ордэнам Маці ўзнагароджаны 105 жыхарак Гомельскай, Гродзенскай, Мінскай і Магілёўскай абласцей

6 верасня 2018 года
Ордэнам Маці за нараджэнне і выхаванне пяці і больш дзяцей узнагароджаны 105 жыхарак Гомельскай, Гродзенскай, Мінскай і Магілёўскай абласцей. Адпаведны Указ Прэзідэнт Беларусі Аляксандр Лукашэнка падпісаў 6 верасня.

Узнагароды ўдастоены работніцы сельскагаспадарчых, прамысловых і будаўнічых прадпрыемстваў, устаноў культуры і адукацыі, арганізацый аховы здароўя, гандлю, абслугоўвання насельніцтва.

Сярод узнагароджаных культарганізатар Цэнтра творчасці дзяцей і моладзі Чыгуначнага раёна Гомеля Наталля Багданава, работніца Калінкавіцкага цэнтра стандартызацыі, метралогіі і сертыфікацыі Алена Лісунова, палявод прадпрыемства "Доцішкі" Воранаўскага раёна Ганна Кулік, прадавец магазіна Астравецкага філіяла Гродзенскага абласнога спажывецкага таварыства Алеся Несцер, санітарка Лапіцкай участковай бальніцы Святлана Грышановіч, маляр Міжраённага домабудаўнічага камбіната Бабруйска Надзея Ляснічая, кантралёр Мінскага аўтамабільнага завода Ніна Асановіч, повар Пагосцкага вучэбна-педагагічнага комплексу дзіцячы сад - сярэдняя школа Бярэзінскага раёна Алена Жылко.
© 2018, Прэс-служба Прэзідэнта Рэспублікі Беларусь