Бел
Галоўная   /  Падзеі  /  Архіў

Ордэнам Маці ўзнагароджана 131 жыхарка Беларусі

24 верасня 2018 года
Чытайце таксама:

Ордэнам Маці за нараджэнне і выхаванне пяці і больш дзяцей узнагароджана 131 жыхарка Беларусі. Адпаведны Указ падпісаў Кіраўнік дзяржавы Аляксандр Лукашэнка.

Узнагароды ўдастоены прадстаўніцы розных сфер дзейнасці, у тым ліку работніцы сельскагаспадарчых і прамысловых прадпрыемстваў, устаноў культуры і адукацыі, арганізацый аховы здароўя, гандлю, абслугоўвання насельніцтва, хатнія гаспадыні.

Сярод узнагароджаных зубны фельчар Меднаўскай участковай бальніцы ўстановы аховы здароўя "Брэсцкая гарадская бальніца № 2" Наталля Гомберг, майстар народных рамёстваў Цэнтра культуры Наваполацка Кацярына Карповіч, настаўнік гімназіі № 58 горада Гомеля Ірына Булацкая, брыгадзір малочнатаварнай фермы сельскагаспадарчага прадпрыемства "Галынка" Зэльвенскага раёна Наталля Януль, санітарка Магілёўскай інфекцыйнай бальніцы Наталля Цыбульская, вадзіцель тралейбуса філіяла "Тралейбусны парк № 4" прадпрыемства "Мінсктранс" Лілія Качановіч.

© 2018, Прэс-служба Прэзідэнта Рэспублікі Беларусь