Каментарый да Указа № 461 ад 16 снежня 2019 г.
Прэзідэнт Беларусі Аляксандр Лукашэнка 16 снежня падпісаў Указ № 461, які прадугледжвае ўнясенне змяненняў ва Указ № 46 "Аб выкарыстанні дзяржаўнымі органамі і іншымі дзяржаўнымі арганізацыямі тэлекамунікацыйных тэхналогій".
Удакладняецца канцэпцыя пераходу
дзяржаўных органаў і арганізацый на выкарыстанне тэхналогій воблачных
вылічэнняў, якая ўлічвае станоўчы міжнародны вопыт, а таксама практыку
ўзаемадзеяння сумеснага таварыства з абмежаванай адказнасцю "Беларускія
воблачныя тэхналогіі" (гандлёвая марка beCloud) з дзяржаўнымі органамі і
арганізацыямі па размяшчэнні іх інфармацыйных сістэм на рэсурсах
Рэспубліканскага цэнтра апрацоўкі даных.
На
сённяшні дзень Рэспубліканскі цэнтр апрацоўкі даных, створаны па
інвестпраекце ў сферы ІКТ, з'яўляецца першым дата-цэнтрам у Беларусі,
сертыфікаваным у адпаведнасці з міжнароднымі стандартамі, што сведчыць
аб яго высокай ступені надзейнасці і бяспекі.
Рэалізацыя
закладзенай ва Указе № 461 канцэпцыі дасць магчымасць павысіць
эфектыўнасць дзейнасці дзяржорганаў і арганізацый за кошт забеспячэння
іх надзейнай інфармацыйна-тэлекамунікацыйнай інфраструктурай, узмацніць
узровень інфармацыйнай абароны ў дзяржаўных інфармацыйных сістэмах,
забяспечыць абарону персанальных даных грамадзян Беларусі, а таксама
павысіць эфектыўнасць расходаў бюджэтнай сістэмы на
інфармацыйна-тэлекамунікацыйныя паслугі.