Каментарый да Указа № 408 ад 16 кастрычніка 2018 г.
Прэзідэнт Беларусі Аляксандр Лукашэнка падпісаў 16 кастрычніка Указ № 408, якім зацверджаны склад Рэспубліканскага арганізацыйнага камітэта па святкаванні 75-й гадавіны вызвалення Беларусі ад нямецка-фашысцкіх захопнікаў і Перамогі савецкага народа ў Вялікай Айчыннай вайне.
Узначаліў аргкамітэт Прэм'ер-міністр Сяргей Румас. У яго склад увайшлі кіраўнікі і прадстаўнікі рэспубліканскіх і мясцовых дзяржаўных органаў, сродкаў масавай інфармацыі, Беларускага грамадскага аб'яднання ветэранаў, Беларускага рэспубліканскага саюза моладзі, Федэрацыі прафсаюзаў Беларусі, Добраахвотнага таварыства садзейнічання арміі, авіяцыі і флоту, Беларускага саюза афіцэраў, Беларускага саюза ветэранаў вайны ў Афганістане і іншых арганізацый.
Указам таксама зацверджана палажэнне аб аргкамітэце і план падрыхтоўкі і правядзення мерапрыемстваў па святкаванні названых юбілейных дат. Яны накіраваны на паляпшэнне ўмоў жыцця ветэранаў, рамонт і добраўпарадкаванне помнікаў і воінскіх пахаванняў, патрыятычнае выхаванне моладзі.
Падпісанне дакумента дасць магчымасць правесці святкаванне 75-й гадавіны вызвалення Беларусі ад нямецка-фашысцкіх захопнікаў і Перамогі савецкага народа ў Вялікай Айчыннай вайне на высокім арганізацыйным узроўні, будзе садзейнічаць патрыятычнаму выхаванню грамадзян, захаванню памяці аб подзвігу беларусаў і савецкага народа ў разгроме нямецка-фашысцкіх захопнікаў.