Бел
Галоўная   /  Падзеі  /  Архіў

Каментарый да Указа № 353 ад 23 верасня 2019 г.

23 верасня 2019 года
Пагадненне аб пазыцы паміж Рэспублікай Беларусь і Міжнародным банкам рэканструкцыі і развіцця зацверджана Указам № 353, які Кіраўнік дзяржавы Аляксандр Лукашэнка падпісаў 23 верасня.

Прадугледжваецца, што ў 2019-2025 гадах будзе прыцягнута дадатковая пазыка ў памеры 90 млн еўра для фінансавання праекта "Мадэрнізацыя сістэмы адукацыі Рэспублікі Беларусь", які рэалізуецца з 2016 года ў адпаведнасці з аналагічным пагадненнем.

Атрыманыя сродкі будуць накіраваны на правядзенне рэканструкцыі і капітальнага рамонту шэрага ўстаноў агульнай сярэдняй адукацыі, іх аснашчэнне сучасным абсталяваннем, удасканаленне інфармацыйнай сістэмы кіравання ў сферы адукацыі.

Плануецца адрамантаваць не менш як 220 школ ва ўсіх абласцях краіны. Акрамя таго, будуць рэалізаваны пілотныя праекты па стварэнні ў школах умоў для прадастаўлення сацыяльна-культурных паслуг насельніцтву ў Віцебскай вобласці, а таксама па стварэнні цэнтраў інавацыйнага развіцця ў школах Магілёўскай вобласці.
© 2019, Прэс-служба Прэзідэнта Рэспублікі Беларусь