Бел
Галоўная   /  Падзеі

Каментарый да Указа № 121 ад 29 сакавіка 2018 г.

29 сакавіка 2018 года

Прэзідэнт Беларусі Аляксандр Лукашэнка 29 сакавіка падпісаў Указ № 121 "Аб арганізацыі ўступнай кампаніі ва ўстановах адукацыі ў 2018 годзе".

Дакументам створана дзяржаўная камісія па кантролі за ходам падрыхтоўкі і правядзення ўступных іспытаў ва ўстановах вышэйшай і сярэдняй спецыяльнай адукацыі ў бягучым годзе, вызначаны яе паўнамоцтвы.

У склад камісіі ўключаны члены Урада і Савета Рэспублікі, дэпутаты Палаты прадстаўнікоў, кіраўнікі органаў дзяржаўнага кіравання, прадстаўнікі грамадскіх арганізацый, работнікі кантралюючых органаў. Старшынёй камісіі назначаны намеснік Прэм'ер-міністра Беларусі Васіль Жарко.

Камісія будзе забяспечваць кантроль за падрыхтоўкай і правядзеннем цэнтралізаванага тэсціравання, іншых форм уступных іспытаў, прадастаўленнем абітурыентам роўных магчымасцей пры паступленні ва ўстановы вышэйшай і сярэдняй спецыяльнай адукацыі.

У яе абавязкі будзе ўваходзіць прыняцце мер па ўстараненні парушэнняў заканадаўства, якое рэгулюе арганізацыю і правядзенне прыёму ў навучальныя ўстановы, асвятленне ўступнай кампаніі ў сродках масавай інфармацыі, а таксама прыём грамадзян па пытаннях падрыхтоўкі і правядзення ўступных іспытаў.

© 2018, Прэс-служба Прэзідэнта Рэспублікі Беларусь