Інтэрв'ю Цэнтральнаму тэлебачанню Кітая
- 1
Прэзідэнт Рэспублікі Беларусь Аляксандр Лукашэнка 1 сакавіка даў інтэрв'ю Цэнтральнаму тэлебачанню Кітайскай Народнай Рэспублікі.
Кіраўнік дзяржавы адказаў на шэраг пытанняў адносна найбольш значных вынікаў і перспектыў беларуска-кітайскага супрацоўніцтва з акцэнтам на ўдзел нашай краіны ў рэалізацыі кітайскай канцэпцыі па будаўніцтве эканамічнага пояса Шаўковага шляху. У гэтым кантэксце асобная ўвага ў ходзе інтэрв'ю была ўдзелена Кітайска-беларускаму індустрыяльнаму парку як аднаму з найбольш значных і перспектыўных праектаў у краінах, размешчаных уздоўж эканамічнага пояса Шаўковага шляху.
Прэзідэнт Беларусі выказаў меркаванне, што ініцыятыва кітайскага лідара Сі Цзіньпіна аб стварэнні эканамічнага пояса Шаўковага шляху - гэта вялікая ідэя ў імя аб'яднання і стварэння.
Кітайска-беларускі індустрыяльны парк "Вялікі камень" прызначаны стаць важным звяном на гэтым новым шляху. На думку кіраўнікоў дзвюх краін, парк можа стаць жамчужынай эканамічнага пояса Шаўковага шляху.
Аляксандр Лукашэнка падкрэсліў: "Мы чакаем (і пачалі ўжо ажыццяўляць гэту ідэю) самых сур'ёзных інвестыцый у гэты праект на тэрыторыі Беларусі. Наша з Сі Цзіньпінам строгае патрабаванне - тут павінны быць створаны прадпрыемствы, якія выпускаюць прадукцыю новага пакалення".
"Рэспубліка Беларусь - гэта цэнтр Еўропы, а ЕС - гэта высокатэхналагічны саюз, - прадоўжыў Кіраўнік дзяржавы. - Ствараць тут прадукцыю мінулага стагоддзя і спрабаваць потым яе прадаць на гэтых рынках - бесперспектыўна. Таму трэба ствараць вельмі высокага ўзроўню прадукцыю, каб потым яе рэалізоўваць".
На думку Прэзідэнта, Беларусь як ніякая іншая краіна гатова і падыходзіць для гэтага. Асабліва з улікам развітой інфраструктуры - чыгункі, аўтамабільных дарог, паветранага транспарту, паколькі тут скрыжаванне гэтых шляхоў. Акрамя таго, новыя магчымасці адкрываюцца са стварэннем Еўразійскага эканамічнага саюза, актыўным членам якога з'яўляецца Беларусь.
Пры гэтым Аляксандр Лукашэнка звярнуў увагу на той факт, што Кітайска-беларускі парк - гэта адкрыты праект, да якога могуць далучацца і іншыя партнёры. "Пры стварэнні гэтага прамысловага кластара важна не дапусціць з'яўлення нейкіх раздзяляльных бар'ераў. Мы гэта ўлічвалі першапачаткова. Наш праект адкрыты для ўсіх і не накіраваны супраць каго б там ні было, - заявіў Кіраўнік дзяржавы. - Веліч гэтага праекта - у вялікай ідэі аб'яднання (эканамічнага, гандлёвага), а следам за гэтым абавязкова прыйдзе аб'яднанне культур і людзей".
Інтэрв'ю з Прэзідэнтам Рэспублікі Беларусь увойдзе ў 6-серыйны дакументальны фільм пад назвай "Адзін пояс, адзін шлях", які прысвечаны эканамічнаму поясу Шаўковага шляху і выйдзе ў эфіры Цэнтральнага тэлебачання Кітая ў чэрвені 2016 года.
Кіраўнік дзяржавы адказаў на шэраг пытанняў адносна найбольш значных вынікаў і перспектыў беларуска-кітайскага супрацоўніцтва з акцэнтам на ўдзел нашай краіны ў рэалізацыі кітайскай канцэпцыі па будаўніцтве эканамічнага пояса Шаўковага шляху. У гэтым кантэксце асобная ўвага ў ходзе інтэрв'ю была ўдзелена Кітайска-беларускаму індустрыяльнаму парку як аднаму з найбольш значных і перспектыўных праектаў у краінах, размешчаных уздоўж эканамічнага пояса Шаўковага шляху.
Прэзідэнт Беларусі выказаў меркаванне, што ініцыятыва кітайскага лідара Сі Цзіньпіна аб стварэнні эканамічнага пояса Шаўковага шляху - гэта вялікая ідэя ў імя аб'яднання і стварэння.
Кітайска-беларускі індустрыяльны парк "Вялікі камень" прызначаны стаць важным звяном на гэтым новым шляху. На думку кіраўнікоў дзвюх краін, парк можа стаць жамчужынай эканамічнага пояса Шаўковага шляху.
Аляксандр Лукашэнка падкрэсліў: "Мы чакаем (і пачалі ўжо ажыццяўляць гэту ідэю) самых сур'ёзных інвестыцый у гэты праект на тэрыторыі Беларусі. Наша з Сі Цзіньпінам строгае патрабаванне - тут павінны быць створаны прадпрыемствы, якія выпускаюць прадукцыю новага пакалення".
"Рэспубліка Беларусь - гэта цэнтр Еўропы, а ЕС - гэта высокатэхналагічны саюз, - прадоўжыў Кіраўнік дзяржавы. - Ствараць тут прадукцыю мінулага стагоддзя і спрабаваць потым яе прадаць на гэтых рынках - бесперспектыўна. Таму трэба ствараць вельмі высокага ўзроўню прадукцыю, каб потым яе рэалізоўваць".
На думку Прэзідэнта, Беларусь як ніякая іншая краіна гатова і падыходзіць для гэтага. Асабліва з улікам развітой інфраструктуры - чыгункі, аўтамабільных дарог, паветранага транспарту, паколькі тут скрыжаванне гэтых шляхоў. Акрамя таго, новыя магчымасці адкрываюцца са стварэннем Еўразійскага эканамічнага саюза, актыўным членам якога з'яўляецца Беларусь.
Пры гэтым Аляксандр Лукашэнка звярнуў увагу на той факт, што Кітайска-беларускі парк - гэта адкрыты праект, да якога могуць далучацца і іншыя партнёры. "Пры стварэнні гэтага прамысловага кластара важна не дапусціць з'яўлення нейкіх раздзяляльных бар'ераў. Мы гэта ўлічвалі першапачаткова. Наш праект адкрыты для ўсіх і не накіраваны супраць каго б там ні было, - заявіў Кіраўнік дзяржавы. - Веліч гэтага праекта - у вялікай ідэі аб'яднання (эканамічнага, гандлёвага), а следам за гэтым абавязкова прыйдзе аб'яднанне культур і людзей".
Інтэрв'ю з Прэзідэнтам Рэспублікі Беларусь увойдзе ў 6-серыйны дакументальны фільм пад назвай "Адзін пояс, адзін шлях", які прысвечаны эканамічнаму поясу Шаўковага шляху і выйдзе ў эфіры Цэнтральнага тэлебачання Кітая ў чэрвені 2016 года.