Бел
Галоўная   /  Падзеі  /  Архіў

Дзяржузнагарод удастоены 32 супрацоўнікі органаў унутраных спраў

24 верасня 2018 года
За ўзорнае выкананне службовых абавязкаў, высокае прафесійнае майстэрства, значныя заслугі ў барацьбе са злачыннасцю, вялікі асабісты ўклад ва ўмацаванне грамадскага парадку дзяржаўных узнагарод удастоены 32 супрацоўнікі органаў унутраных спраў. Адпаведны Указ Прэзідэнт Беларусі Аляксандр Лукашэнка падпісаў 24 верасня.

Ордэнам "За службу Радзіме" III ступені ўзнагароджаны начальнік галоўнага ўпраўлення крымінальнага вышуку крымінальнай міліцыі МУС Анатоль Саковіч.

Заслугі шэрага праваахоўнікаў адзначаны медалём "За адзнаку ў ахове грамадскага парадку". У іх ліку старшы оперупаўнаважаны па асабліва важных справах аддзела па раскрыцці асабліва цяжкіх і цяжкіх злачынстваў супраць асобы ўпраўлення крымінальнага вышуку крымінальнай міліцыі УУС Магілёўскага аблвыканкама Віктар Ігнаценка, начальнік аддзела па раскрыцці крадзяжоў ўпраўлення крымінальнага вышуку крымінальнай міліцыі УУС Гродзенскага аблвыканкама Віталь Салабуда.

Акрамя таго, вялікая група супрацоўнікаў органаў унутраных спраў ўдастоена медалёў "За бездакорную службу" I, II і III ступеней. Сярод іх начальнік упраўлення крымінальнага вышуку крымінальнай міліцыі УУС Віцебскага аблвыканкама Мікалай Латышаў, першы намеснік начальніка аддзела ўнутраных спраў Старадарожскага райвыканкама - начальнік крымінальнай міліцыі Міхаіл Кашко, начальнік аддзялення па раскрыцці злачынстваў у сферы аўтабізнесу ўпраўлення крымінальнага вышуку крымінальнай міліцыі УУС Брэсцкага аблвыканкама Дзмітрый Зайцаў.
© 2018, Прэс-служба Прэзідэнта Рэспублікі Беларусь