Бел
Галоўная   /  Падзеі  /  Архіў

Даклад Старшыні Вярхоўнага суда Валянціна Сукалы

17 ліпеня 2017 года
Даклад Старшыні Вярхоўнага суда Валянціна Сукалы
глядзіце таксама: відэа
17 ліпеня 2017 года
Даклад Старшыні Вярхоўнага суда Валянціна Сукалы

Прэзідэнт Беларусі Аляксандр Лукашэнка 17 ліпеня правёў рабочую сустрэчу са Старшынёй Вярхоўнага суда Валянцінам Сукалам, на якой абмяркоўвалася эфектыўнасць работы судовай сістэмы пасля аб'яднання агульных і эканамічных судоў, пытанні аптымізацыі, а таксама ўдасканалення правапрымяняльнай практыкі ў шэрагу сфер.

"Больш за ўсё мяне хвалюе, хоць гэта ўжо і даўно здарылася, аб'яднанне нашых судоў. Хацелася б, каб вы расказалі, якая там сітуацыя", - пацікавіўся Кіраўнік дзяржавы.

Аляксандр Лукашэнка таксама папрасіў Валянціна Сукалу выказаць сваё меркаванне на прадмет магчымай наяўнасці небяспечных тэндэнцый у эканоміцы, зыходзячы з аналізу разглядаемых судамі спраў. "Ваш пункт гледжання і вашы ацэнкі па дзейнасці вашых калег - тых, хто прыносіць у суды справы, асабліва крымінальныя. Можа, у эканоміцы нейкія (у вас гэта бачна, як у люстэрку, па гаспадарчай частцы) небяспечныя тэндэнцыі намячаюцца або адбываюцца, зыходзячы з паступаючых спраў", - абазначыў Прэзідэнт.

Як далажыў Валянцін Сукала, аб'яднаная судовая сістэма ў Беларусі ў такой якасці працуе ўжо на працягу трох гадоў, на гэты момант асноўныя праблемы вырашаны. Гэта ў першую чаргу датычыцца адзінства судовай практыкі і палітыкі, судаводства ў цэлым. "Тры гады паказалі, што мы адаптаваліся. Сёння судовая сістэма даволі ўстойлівая, рацыянальная і арганізацыйна кіруемая", - запэўніў Старшыня Вярхоўнага суда.

Як паказваюць вынікі апошніх трох гадоў, ёсць пазітыўныя змяненні ў якасці і аператыўнасці правасуддзя як у агульных, так і эканамічных судах. Намечаны комплекс мер для таго, каб правасуддзе ў Беларусі больш аператыўна аднаўляла парушаныя правы грамадзян. У першую чаргу гэтага плануецца дабіцца за кошт скарачэння выпадкаў адкладання, прыпынення, перапынкаў у працэсе разгляду судовых спрэчак.

На сустрэчы таксама абмяркоўвалася прапанова па структурнай аптымізацыі ў судовых органах. Змяненні адбудуцца ў апаратах Вярхоўнага і абласных судоў. Разам з гэтым будзе захаваны цяперашні колькасны склад судзейскага корпуса, які параўнальна невялікі. Такім чынам, аптымізацыя закране толькі апараты вышэйстаячых судоў і дасць магчымасць захаваць судзейскі корпус і якасць правасуддзя. Адпаведныя падыходы падтрыманы Кіраўніком дзяржавы.

Сярод агульных праблем было разгледжана пытанне прымянення інстытута банкруцтва і павышэння яго эфектыўнасці. Узгоднена і прынята рашэнне аб неабходнасці вярнуцца да гэтай тэмы і разгледзець існуючую у гэтай сферы праблематыку.

Прэзідэнту было даложана і аб шэрагу крымінальных спраў, па якіх якасць папярэдняга расследавання знаходзілася ў яго на кантролі.

Аляксандр Лукашэнка таксама цікавіўся ходам будаўніцтва ў Мінску новага будынка Вярхоўнага суда. Даложана, што работы, пачатыя ў кастрычніку 2016 года, вядуцца аператыўна, з апярэджаннем графіка. Чакаецца, што да 7 лістапада 2018 года яны завершацца.

Тэгі: Сустрэчы
© 2017, Прэс-служба Прэзідэнта Рэспублікі Беларусь