Бел
Галоўная   /  Падзеі  /  Архіў

Даклад Старшыні Следчага камітэта Івана Наскевіча

18 снежня 2017 года
Даклад Старшыні Следчага камітэта Івана Наскевіча
глядзіце таксама: відэа
18 снежня 2017 года
Даклад Старшыні Следчага камітэта Івана Наскевіча

Прэзідэнт Беларусі Аляксандр Лукашэнка па выніках 2017 года плануе заслухаць справаздачы кіраўніцтва ўсіх сілавых структур. Аб гэтым ён заявіў 18 снежня, прымаючы з дакладам Старшыню Следчага камітэта Івана Наскевіча.

"Я планую заслухаць справаздачы ўсіх сілавых структур. Некаторыя сілавыя структуры мы вельмі сур'ёзна будзем правяраць па выніках гэтага года, у тым ліку Мінабароны", - сказаў Кіраўнік дзяржавы.

Прэзідэнт пацікавіўся сітуацыяй у Следчым камітэце, асабліва ў сувязі з аптымізацыяй. "Як яна праходзіць у вас, ці завяршылі мы той этап, аб якім дамаўляліся па аптымізацыі?" - задаў пытанне Аляксандр Лукашэнка.

Ён нагадаў, што ведамства было створана ўсяго некалькі гадоў таму, і спытаў Івана Наскевіча аб яго асабістых уражаннях на гэты момант у сувязі з праведзенай рэформай.

У ліку тэм даклада таксама шэраг крымінальных спраў, якія знаходзяцца на кантролі ў Прэзідэнта і атрымалі найбольшы грамадскі рэзананс. "Як яны расследуюцца, ці скончана расследаванне, якія складанасці, цяжкасці ў працэсе расследавання гэтых спраў былі выяўлены ці з'явіліся? Якая сітуацыя ў краіне наогул з пазіцыі Следчага камітэта са злачыннасцю?" - пацікавіўся Кіраўнік дзяржавы.

Іван Наскевіч далажыў аб выніках работы Следчага камітэта ў гэтым годзе, праблемных пытаннях і перспектывах развіцця, у тым ліку міжнароднага супрацоўніцтва. "У цэлым Следчы камітэт у 2017 годзе працаваў ва ўмовах зніжэння нагрузкі ў параўнанні з папярэднім перыядам. Прыкладна на 7-7,5%. І гэты працэс адпавядае ў цэлым зніжэнню ўзроўню злачыннасці ў краіне за гэты ж перыяд, - сказаў ён. - Тут прамая залежнасць. Менш паступае заяў і паведамленняў аб злачынствах - менш узбуджаецца крымінальных спраў, якія знаходзяцца ў вядзенні следчых".

Тэгі: Сустрэчы
© 2018, Прэс-служба Прэзідэнта Рэспублікі Беларусь