Даклад Кіраўніка спраў Прэзідэнта Віктара Шэймана
- 1
Прэзідэнт Беларусі Аляксандр Лукашэнка 14 сакавіка прыняў з дакладам Кіраўніка спраў Прэзідэнта Беларусі Віктара Шэймана.
Адной з галоўных тэм сустрэчы стала развіццё супрацоўніцтва Беларусі з краінамі Афрыкі. "Мы дамаўляліся, што вы пабудзеце ў шэрагу краін, з якімі мы спрабуем супрацоўнічаць і ў нас завязаліся добрыя адносіны. Каб разумець (тут утойваць няма чаго), на якія дзяржавы ў Афрыцы нам абапірацца для выбудоўвання адносін на далёкай дузе. Вы больш, чым хто іншы, гэтым займаліся. Што вы можаце прапанаваць у сувязі з гэтым, на каго будзем абапірацца, з кім будзем супрацоўнічаць?" - задаў пытанне Кіраўнік дзяржавы.
Віктар
Шэйман, які па даручэнні Прэзідэнта Беларусі зрабіў шэраг паездак па
краінах Афрыкі, далажыў Кіраўніку дзяржавы аб перспектыўных напрамках
работы на гэтым кантыненце. Гэта, у прыватнасці, здабыча карысных
выкапняў, будаўніцтва, энергетыка, сельскагаспадарчая галіна, транспарт і
лагістыка, падрыхтоўка кадраў.
Размова
на сустрэчы ішла аб канкрэтных краінах, дзе Беларусь плануе
прысутнічаць па абазначаных напрамках. Цяпер пачынаецца актыўная работа
па поўдні Афрыкі - у такіх дзяржавах, як Зімбабвэ, Замбія, Мазамбік.
Перспектыўнай для развіцця адносін і ўзаемавыгаднага супрацоўніцтва
з'яўляецца і паўднёва-ўсходняя частка кантынента. Ужо ідзе работа па
стварэнні сумесных прадпрыемстваў у сельскай гаспадарцы, ствараецца
транспартная кампанія ў сферы грузаперавозак з перспектывай работы па
поўдні Афрыкі, Беларусь уваходзіць у праект па будаўніцтве
электрастанцыі на сонечных панэлях у Зімбабвэ.
Іншы
шэраг пытанняў датычыўся работы Кіраўніцтва справамі Прэзідэнта,
падпарадкаваных прадпрыемстваў і арганізацый. Аляксандр Лукашэнка
адзначыў, што гэта вялікая структура, якая ўключае ў сябе самыя розныя
напрамкі дзейнасці - ад народных мастацкіх промыслаў да
сельскагаспадарчых прадпрыемстваў і нацыянальных паркаў. "Калі ёсць
праблемы, іх трэба цяпер абазначыць і вырашыць на працягу года", -
сказаў Прэзідэнт.
У
сувязі з гэтым ён нагадаў, што бліжэйшыя два гады будуць экзаменам для
ўсёй вертыкалі. "Экзамены здаём усе, у тым ліку і вы", - падкрэсліў
беларускі лідар.
На
сустрэчы ў Прэзідэнта абмеркаваны новыя напрамкі развіцця дзейнасці
Кіраўніцтва справамі. У прыватнасці, даложаны прапановы па развіцці
вытворчасці лякарстваў, медыцынскай тэхнікі і расходных матэрыялаў.
Размова ішла і аб развіцці сельскагаспадарчага сектара, у тым ліку аб
стварэнні прадпрыемства па гадоўлі і перапрацоўцы чырвонай рыбы.