Даклад генеральнага пракурора Аляксандра Канюка
Прэзідэнт Беларусі Аляксандр Лукашэнка 23 жніўня заслухаў даклад генеральнага пракурора Аляксандра Канюка аб стане крымінагеннай сітуацыі і рабоце органаў пракуратуры.
На мерапрыемстве таксама прысутнічалі прадстаўнікі іншых сілавых структур, кіраўніцтва Адміністрацыі Прэзідэнта і дзяржсакратарыята Савета бяспекі.
Паводле слоў Аляксандра Лукашэнкі, пашыраны фармат мерапрыемства звязаны з глыбокай рэформай у праваахоўнай сістэме, якая нядаўна адбылася ў Беларусі. "Мяне цікавіць работа пракуратуры за гэты перыяд часу, наколькі яна ў новых умовах пасля рэфармавання і структурных пераўтварэнняў эфектыўна функцыянуе", - сказаў Прэзідэнт.
Як было адзначана па выніках даклада, у дзейнасці пракуратуры ёсць тэндэнцыя ўсё большага пераходу пракурорскага нагляду ў эканамічную сферу. Прэзідэнт у цэлым станоўча ацаніў стан спраў у органах пракуратуры. Разам з тым, даручана ўстараніць асобныя недахопы.
Абмеркаваны і некаторыя кадравыя пытанні, падрыхтоўка да правядзення ў Мінску ў пачатку верасня каардынацыйнай нарады генеральных пракурораў краін СНД.
Што датычыцца крымінагеннай сітуацыі, то ў параўнанні з мінулым годам яна практычна не змянілася. Разам з тым, у якасці станоўчага моманту адзначаецца меншая колькасць забойстваў. І ў цэлым у апошнія гады мае месца тэндэнцыя скарачэння злачыннасці.
