Бел
Галоўная   /  Падзеі  /  Архіў

Аляксандр Лукашэнка прысвоіў Дар'і Домрачавай званне Героя Беларусі

17 лютага 2014 года
Прэзідэнт Рэспублікі Беларусь Аляксандр Лукашэнка павіншаваў трохразовую алімпійскую чэмпіёнку Дар'ю Домрачаву з заваяваннем залатога медаля ў мас-старце на Алімпіядзе ў Сочы і прысвоіў спартсменцы званне Героя Беларусі.

"Дарагая Даша!

Гэта грандыёзны поспех! Ты проста малайчына! Уся Беларусь у захапленні ад тваёй новай перамогі.

Заваяваўшы званне трохразовай алімпійскай чэмпіёнкі, ты здзейсніла подзвіг.

Гісторыя сучаснасці не ведае такіх выпадкаў. У нашай Айчыне подзвігі шануюць асабліва.

Ад усёй душы віншуем цябе з прысваеннем вышэйшай узнагароды Радзімы - званнем "Герой Беларусі".

Шчасця, здароўя і ўдачы!", - гаворыцца ў віншавальнай тэлеграме.
© 2020, Прэс-служба Прэзідэнта Рэспублікі Беларусь