Бел
Галоўная   /  Падзеі

Акрэдытаваных на II Еўрапейскіх гульнях іншаземцаў вызваляць ад рэгістрацыі ў Беларусі

2 мая 2019 года
Прэзідэнт Беларусі Аляксандр Лукашэнка падпісаў Указ № 164, якім комплексна ўрэгуляваны пытанні правядзення ў Мінску II Еўрапейскіх гульняў.

Дакумент уносіць змяненні ў асобныя Указы Кіраўніка дзяржавы, якія датычацца арганізацыі спаборніцтваў. У прыватнасці, рэгулююцца пытанні выкарыстання дзяржаўнай маёмасці, эксплуатацыі радыёэлектронных сродкаў і высокачастотных устройстваў, медыцынскага абслугоўвання ўдзельнікаў і гасцей II Еўрапейскіх гульняў і іншыя практычныя пытанні іх падрыхтоўкі і правядзення. Прадугледжаны меры, якія даюць магчымасць знізіць кошт арганізацыі гэтай маштабнай падзеі.

У дадатак да бясплатнага праезду ў мінскім гарадскім пасажырскім транспарце ўдзельнікам і валанцёрам гульняў прадастаўлена права бясплатнага праезду ў прыгарадным пасажырскім транспарце па маршрутах, што звязваюць сталіцу з Нацыянальным аэрапортам Мінск і Заслаўем. Акрэдытаваныя на гульнях замежныя грамадзяне вызвалены ад неабходнасці рэгістрацыі на тэрыторыі Беларусі.
© 2019, Прэс-служба Прэзідэнта Рэспублікі Беларусь