Каментарый да Указа № 137 ад 4 красавіка 2019 г.
Прэзідэнт Беларусі Аляксандр Лукашэнка 4 красавіка падпісаў Указ № 137 "Аб прызыве афіцэраў запасу на ваенную службу".
Дакументам прадугледжана прызваць у 2019 годзе на ваенную службу ва Узброеныя Сілы грамадзян Беларусі мужчынскага полу ва ўзросце да 27 гадоў з ліку афіцэраў запасу, якія не прайшлі тэрміновую ваенную службу, службу ў рэзерве Узброеных Сіл і не маюць права на адтэрміноўку ад прызыву, у колькасці да 100 чалавек.
Міністэрству абароны даручана забяспечыць назначэнне прызваных грамадзян на воінскія пасады, што адпавядаюць іх ваенна-ўліковым спецыяльнасцям. Савет Міністраў да 1 лютага 2020 года павінен прадставіць Прэзідэнту Беларусі інфармацыю аб выніках прызыву на ваенную службу афіцэраў запасу. Указ уступае ў сілу пасля яго афіцыйнага апублікавання.