Даклад першага віцэ-прэм'ера Аляксандра Турчына і віцэ-прэм'ера Уладзіміра Дворніка
- 1
Прэзідэнт Беларусі Аляксандр Лукашэнка 27 жніўня прыняў з дакладам віцэ-прэм'ера Аляксандра Турчына і віцэ-прэм'ера Уладзіміра Дворніка, якія прадставілі Кіраўніку дзяржавы ініцыіраваныя Урадам прапановы па карэкціроўцы некаторых норм заканадаўства.
Аляксандр
Лукашэнка ў цэлым звярнуў увагу на неабходнасць
больш грунтоўнай прапрацоўкі праектаў нарматыўных прававых актаў, каб
пазбегнуць частых карэкціровак заканадаўства.
"Трэба
пазбягаць вельмі частага звяртання да ўказаў Прэзідэнта ў мэтах
змянення або карэкціроўкі таго ці іншага заканадаўства. Прытым праз
адносна кароткі прамежак часу. Я, вядома, разумею, што жыццё на месцы не
стаіць, усё цячэ і змяняецца. Але калі мы, вобразна кажучы, учора
прынялі нарматыўны прававы акт, закон, падзаконны акт, дэкрэты
Прэзідэнта, указы, а праз год-два пачынаем карэкціраваць гэтыя
нарматыўныя прававыя акты, гэта сведчыць аб тым, што на экспертным
узроўні і на ўзроўні падрыхтоўкі гэтых законапраектаў работа
арганізавана слаба", - сказаў Кіраўнік дзяржавы.
"Трэба
прымаць такія нарматыўныя прававыя акты, якія маглі б працаваць хаця б
пяцігодку. Таму што любыя змяненні, асабліва ў эканамічнай сферы, вядуць
да пэўнай занепакоенасці прадпрымальнікаў і тых, хто гэтым займаецца", -
падкрэсліў беларускі лідар.
Адзін
з праектаў прадстаўленых увазе Кіраўніка дзяржавы нарматыўных прававых
актаў датычыцца інвесціравання ў аграпрамысловы комплекс і ў прыватнасці
спонсарскай дапамогі. "Я хачу разабрацца, што гэта за спонсарская
дапамога і ці трэба нам прымаць адпаведны нарматыўны прававы акт на
ўзроўні Прэзідэнта. Мне здавалася, што датычыцца спонсарскай дапамогі, у
нас у цэлым праблемы ўрэгуляваны, механізм існуе. Чаму мы не можам
абысціся тым нарматыўна-прававым полем, якое ў нас сёння створана?" -
паставіў пытанне Прэзідэнт.
Адна
з прапанаваных навацый - улічваць у арганізацый-інвестараў затраты на
развіццё сельгасвытворчасці ў складзе пазарэалізацыйных выдаткаў. Раней
спонсарская дапамога прыходзілася на асноўны від дзейнасці, што
павялічвала сабекошт прадукцыі прадпрыемстваў і ўплывала на
канкурэнтаздольнасць. Дадзенае прапанова была ўхвалена і падтрымана
Кіраўніком государства.
Яшчэ
адзін праект дакумента датычыцца пытанняў ліцэнзавання асобных відаў
дзейнасці. "Я так разумею, што праект указа падрыхтаваны ва Урадзе па
даручэнні, якое было дадзена на нарадзе з прадпрымальнікамі ў свой час.
Пры гэтым я хачу сказаць, што мы зрабілі апошнім часам беспрэцэдэнтныя
крокі па адмене лішніх дазволаў. Я ўжо не ведаю, якія напрамкі ў нас
рэгулююцца такім чынам, якім відам дзейнасці трэба займацца, каб ісці
атрымліваць дазвол, - адзначыў Кіраўнік дзяржавы. - У нас лібералізавана
гэта сістэма настолькі, наколькі ні ў адной краіне яна не
лібералізавана. Але, зноў жа, жыццё ідзе, усё змяняецца. Відаць, недзе
нешта трэба падкарэкціраваць. Дзе, навошта і чаму?".
У
цяперашні час ліцэнзаванне рэгулюецца Указам № 450 ад 1 верасня 2010
года. У гэты дакумент плануецца ўнесці карэкціроўкі, якія ініцыяваў Урад
і якія атрымалі адабрэнне Прэзідэнта. Мяркуецца скараціць пералік
ліцэнзуемых відаў дзейнасці і змяніць умовы выдачы ліцензій.
На
сустрэчы Аляксандр Лукашэнка пацікавіўся фінансавымі вынікамі
праведзеных у чэрвені ІІ Еўрапейскіх гульняў: "Я вам даручаў, калі ў нас
пачыналіся, і мы рыхтаваліся да Еўрапейскіх гульняў, узяць на кантроль
фінансавы бок справы. Вы ж разумееце, што гэта сур'ёзнае пытанне. Гэта
мільёны долараў, якія мы патрацілі на правядзенне гэтых гульняў. І
вельмі важна для любога прадпрымальніцтва або бізнесу, наколькі мы
змаглі кампенсаваць гэтыя затраты, наколькі можна падлічыць іх".
Кіраўнік
дзяржавы заўважыў, што гэтым пытаннем былі вельмі занепакоены некаторыя
грамадзяне. "Гэта ў асноўным так званая апазіцыя (ім, што ні зрабі, усё
дрэнна). Яны заклапочаны, што мы не кампенсавалі, не перакрылі тыя
траты, якія былі ажыццёўлены напярэдадні і ў час правядзення гэтых
гульняў. Яны зусім забываюць, што такое імідж Беларусі, што такое
турыстычны прыток у час гульняў, асабліва пасля гульняў, а ён
павялічваецца, які даход, які прыбытак прынеслі гэтыя гульні нашым
кампаніям - грамадскаму харчаванню, музеям, артыстам", - адзначыў
беларускі лідар.
"Мяне
цікавіць фінансавы бок справы - што мы ў выніку гульняў атрымалі, -
дадаў Аляксандр Лукашэнка. - Пры гэтым хачу падкрэсліць: такія форумы -
гэта гонар для любой краіны, таму за іх і змагаюцца, і не кожнаму
аддаюць такія форумы".
Аляксандр
Лукашэнка заявіў, што Беларусь заўсёды будзе на высокім узроўні
праводзіць такія буйныя міжнародныя спартыўныя спаборніцтвы. Больш таго,
такія падзеі яшчэ і аб'ядноўваюць нацыю, асабліва калі свае спартсмены
добра выступаюць. "І на Еўрапейскіх гульнях малайцы, выступілі дастойна.
А яшчэ больш дастойна выступілі нядаўна на чэмпіянаце свету па
веславанні на байдарках і каноэ, заняўшы першае месца, - сказаў
Прэзідэнт. - Малайцы! Проста малайцы! І я для сябе адзначыў, што цяпер
буду хадзіць пастаянна на іх спаборніцтвы, таму што яны дастойна на гэта
адказваюць, у адрозненне ад некаторых нашых прадстаўнікоў масавых і
народных відаў спорту".
"Гэта
вельмі важна. Для развіцця спартыўнага руху, важна для кансалідацыі
нашых людзей. Ну і, у рэшце рэшт, мы павінны ганарыцца, што мы можам
прыняць і правесці такія мерапрыемствы. Гэта каштуе нямала грошай, але
ацаніць гэта цяжка. Таму паспрабуем палічыць, што мы затрацілі, што
атрымалі - там, дзе можна падлічыць", - рэзюмаваў Кіраўнік дзяржавы.
Прэзідэнт
таксама падтрымаў прапанову Урада аб павелічэнні стаўкі першага разраду
для бюджэтных арганізацый. З 1 верасня яна будзе павышана на 12,6% - з
Br36,4 да Br41. Паводле разлікаў Урада, павышэнне тарыфнай стаўкі
першага разраду на 12,6% і захаванне пры гэтым сярэдняй заработнай платы
па краіне на ўзроўні Br1055 дасць магчымасць выканаць даручэнне
Прэзідэнта аб тым, каб зарплата бюджэтнікаў захоўвалася на ўзроўні 80%
да сярэдняй зарплаты.
У
цэлым на павышэнне аплаты працы бюджэтнікаў будзе накіравана дадаткова
Br300 млн да канца бягучага года. Частка неабходнай сумы будзе пакрыта
за кошт бюджэтных сродкаў, сэканомленых у час падрыхтоўкі і правядзення
II Еўрапейскіх гульняў. У бюджэце засталіся нявыкарыстанымі Br94 млн. Па
даручэнні Прэзідэнта, Br80 млн з гэтай сумы будуць патрачаны на
павышэнне заработнай платы ў бюджэтнай сферы, а астатняя частка пойдзе
на рамонт інтэрнатаў вышэйшых навучальных устаноў да пачатку
навучальнага года.
Акрамя
таго, Аляксандру Лукашэнку было даложана аб бягучай сітуацыі ў сельскай
гаспадарцы, у прыватнасці аб ходзе ўборачнай кампаніі, падрыхтоўцы да
севу.