Віншаванне з Нараджэннем Хрыстовым

Праваслаўным хрысціянам Беларусі

Дарагія суайчыннікі!

Сардэчна віншую вас з Нараджэннем Хрыстовым.

Гэта светлае свята дорыць вернікам надзею на духоўнае выратаванне, вучыць бязмежнай любові і ахвярнасці ў імя бліжняга.

Хрысціянскія спагада і клопат, прастата і добразычлівасць даўно сталі культурным здабыткам беларускага народа. Мы адкрываем сэрца тым, хто прыходзіць з мірам, і самі гатовы дзяліцца з тымі, хто мае ў гэтым патрэбу, хлебам і прытулкам.

Упэўнены, захоўваючы праваслаўныя традыцыі міласэрнасці і маральнай чысціні, разам мы створым найлепшую будучыню для роднай Беларусі.

Няхай Калядная куцця напоўніць вашы дамы душэўнай цеплынёй, шчырасцю пачуццяў і ўзаемаразуменнем, а радасць гэтых святочных дзён натхніць на новыя стваральныя здзяйсненні ў надышоўшым годзе.

Жадаю ўсім здароўя, шчасця і дабрабыту.

Аляксандр Лукашэнка