Аб рэспубліканскім дзяржаўна-грамадскім аб'яднанні "Беларускае рэспубліканскае таварыства ратавання на водах"
Указ № 175 ад 19 чэрвеня 2023 г.
Прэзідэнт Беларусі Аляксандр Лукашэнка падпісаў Указ № 175, які датычыцца дзейнасці Беларускага рэспубліканскага таварыства ратавання на водах (АСВОД).
Дакументам зацвярджаецца новая рэдакцыя Статута АСВОД, удасканальваецца структура аб'яднання, актуалізуюцца яго дзяржаўна значныя задачы і метады дзейнасці.
Міністэрства па надзвычайных сітуацыях надзяляецца паўнамоцтвамі па прадстаўленні дзяржавы ў АСВОД. У новай структуры аб'яднання ствараецца наглядальны савет пад кіраўніцтвам МНС.
У адпаведнасці з Указам пераразмяркоўваюцца функцыі паміж органамі АСВОД, змяняецца парадак выбрання і перавыбрання старшыні таварыства - прадугледжваецца ўзгадненне яго кандыдатуры з Прэзідэнтам Беларусі.
